Accessibility links

کاربه‌ده‌سـتێـک: میسر داوایه‌کی ئه‌مه‌ریکای ڕه‌تکردووه‌ته‌وه‌ بۆ ده‌سـتگرتن به‌سه‌ر که‌شتیـیه‌کی ئێرانیدا


فه‌ریق موهاب مه‌میش سه‌رۆکی ده‌سـته‌ی به‌ڕێوه‌به‌ری که‌ناڵی سوێس دوێنێ شه‌ممه‌ له‌ میانه‌ی چاوپـێـکه‌وتنێـکی ته‌له‌فیزیۆنیدا له‌گه‌ڵ که‌ناڵی ئه‌لحه‌یاتی میسری گوتی کاتی خۆی وڵاته‌ یه‌کگرتووه‌کانی ئه‌مه‌ریکا داوای لێـکردووین ده‌سـت به‌سه‌ر که‌شـتیـیه‌کی ئێرانیدا بگرین که‌ چه‌کی بۆ سوریا هه‌ڵگرتبوو، به‌ڵام ئێمه‌ ئه‌و داوایه‌مان ڕه‌تکرده‌وه‌.
مه‌میش ئاماژه‌ی به‌وه‌ نه‌کرد که‌ی ئه‌و ڕووداوه‌ بووه‌، به‌ڵام گوتی به‌پـێی ڕێنمایـیه‌کان ئێمه‌ ناتوانین ڕێگه‌ له‌ تێپه‌ڕبوونی بارێـکی وه‌ها بگرین، چونکه‌ هه‌نارده‌کردنی چه‌ک کارێـکی ڕه‌وایه‌ و ته‌نها بازرگانی به‌ مادده‌ بێ‌هۆشه‌که‌ره‌کان و مرۆڤ لای ئێمه‌ قه‌ده‌غه‌یه‌.
گوتیشی ئه‌وان که‌شـتیـیه‌که‌یان پـشـکنیوه‌ و بۆیان ده‌رکه‌وتووه‌ ئه‌وه‌ی له‌ که‌شـتیـیه‌که‌دا هه‌یه‌ له‌ لیستی باره‌کانیدا وه‌کو خۆیه‌تی، بۆیه‌ ڕێگه‌ له‌ تێپه‌ڕبوونی به‌ که‌ناڵی سوێسدا نه‌گیراوه‌.
XS
SM
MD
LG