له‌ زنجیره‌یه‌ک هێرشـدا له‌ موسڵ 8 که‌س ده‌کوژرێن

به‌ره‌به‌یانی ئه‌مڕۆ شه‌ممه‌ له‌ گه‌ڕه‌کی ڕفاعی له‌ ڕۆژئاوای شـاری موسڵ کۆمه‌ڵێـک چه‌کدار هێرشیان کردووه‌ته‌ سه‌ر ماڵێـک، له‌ ئاکامدا خاوه‌ن ماڵه‌که‌ و هاوسه‌ره‌که‌ی له‌گه‌ڵ دوو که‌سی خزمیان کوژراون.
له‌ گه‌ڕه‌کی یه‌رموکیش هه‌ر له‌ ڕۆژئاوای شاره‌که‌ که‌سێـک کوژراوه‌ و براکه‌ی بریندارکراوه‌.
له‌ گه‌ڕه‌کی ڕه‌شیدیـیه‌ی باکوری شـاره‌که‌ش کۆمه‌ڵێـک چه‌کدار په‌لاماری ماڵێـکیان داوه‌ و 2 ئه‌ندامی ماڵه‌که‌یان کوشـتووه‌.
له‌ ڕۆژهه‌ڵاتی موسڵیش له‌ گه‌ڕه‌کی میسـاق چه‌ند چه‌کدارێـک ته‌قه‌یان له‌ ژنێـک کردووه‌ له‌ به‌رده‌م ماڵه‌که‌یدا و کوشـتوویانه‌.