که‌شـتیـیه‌کی جه‌نگی ئه‌مه‌ریکا و که‌شـتیـیه‌کی نه‌وت له‌ نزیک ته‌نگه‌ی هورمز به‌ر یه‌ک ده‌که‌ون

شه‌وی شه‌ممه‌ له‌سه‌ر یه‌کشه‌ممه‌ له‌ که‌نداوی فارس له‌ نزیک ته‌نگه‌ی هورمز که‌شـتیـیه‌کی جه‌نگی ئه‌مه‌ریکا و که‌شـتیـیه‌کی بارهه‌ڵگری نه‌وت به‌ریه‌ک که‌وتن، به‌ڵام بێ زیان بوون.
هێزی پـێـنجی ده‌ریایی ئه‌مه‌ریکا که‌ بنکه‌که‌ی له‌ به‌حه‌ره‌ینه‌ ئه‌مڕۆ یه‌کشه‌ممه‌ ڕایگه‌یاند که‌وا کاژمێر یه‌کی شه‌وی ڕابردوو له‌ نزیک ته‌نگه‌ی هورمز که‌شـتی جه‌نگی ئه‌مه‌ریکایی (پۆرته‌ر) و که‌شـتی بارهه‌ڵگری نه‌وت (ئۆتۆواسان) که‌ ئاڵای په‌نه‌مای به‌سه‌ره‌وه‌یه‌ و کۆمپانیایه‌کی ژاپـۆنی خاوه‌نێتی، به‌ریه‌ک که‌وتوون.
پاسه‌وانانی که‌نار ده‌ریای سه‌ڵته‌نه‌تی عومان ده‌ڵێن هه‌ردوو که‌شـتیـیه‌که‌ سه‌لامه‌تن و هه‌ریه‌که‌یان به‌ ڕێی خۆی ڕۆیشـتووه‌ و ئێسـتا هاتوچۆ له‌ ته‌نگه‌ی هورمز ئاسایی‌یه‌.