Accessibility links

توندوتیژیه‌کانی ئه‌فغانستان


هێزه‌ سه‌ربازیه‌کانی ناتۆ له‌ ئه‌فغانستان سه‌ربازێکی ئه‌فغانیان کوشتووه‌ که‌ هه‌وڵی کوشتنی ئه‌ندامانی ناتۆی دابوو له‌ بنکه‌یه‌کی له‌شکریی له‌ ڕۆژهه‌ڵاتی ئه‌فغانستان.
ده‌مڕاستێکی ناتۆ ده‌ڵێت هیچ سه‌ربازێکی ناتۆ نه‌کوژراوه‌ له‌و هێرشه‌ی ئه‌مڕۆ 5 شه‌ممه‌دا له‌ هه‌رێمی لاگمان، به‌ڵام باسی له‌وه‌ نه‌کرد ئه‌گه‌ر که‌س بریندار بووه‌ یان نا.
ئه‌م ڕووداوه‌ی ئه‌مڕۆ دووه‌مین هێرشه‌ له‌م هه‌فته‌یه‌دا له‌لایه‌ن سه‌ربازی ئه‌فغانیه‌وه‌ بۆسه‌ر سه‌ربازه‌ بیانیه‌کان. ناتۆ ده‌ڵێت ڕۆژی 3 شه‌ممه دوو چه‌کدار به‌ جل و به‌رگی له‌شکری نیشتیمانی ئه‌فغانیه‌وه‌ سه‌ربازێکی ناتۆیان کوشتووه‌.
تا ئێستا له‌مساڵدا به‌لانی که‌م 25 هێرش به‌ جل و به‌رگی له‌شکریی ئه‌فغانیه‌وه‌ کراونه‌ته‌ سه‌ر هێزه‌ بیانیه‌کان و ئه‌و هێرشانه‌ش زیانی گیانی هه‌بووه‌ بۆ سه‌ربازه‌ بیانیه‌کان که‌ سه‌ربازه‌کانی له‌شکری ئه‌فغانستان یان یاخیبوان به‌ به‌رگی سه‌وز و شینی له‌شکری ئه‌فغانستانه‌وه‌ ده‌یکه‌ن.
XS
SM
MD
LG