Accessibility links

له‌شـکری تورکیا مه‌شق و ڕاهێنانێـکی له‌شـکری له‌ نزیک سـنووری سوریا ئه‌نجام ده‌دات


ڕاپـۆرته‌ هه‌واڵیـیه‌کان ده‌ڵێن دوێنێ چوارشه‌ممه‌ له‌شـکری تورکیا مه‌شق و ڕاهێنانێـکی به‌ تانک له‌ نزیک سـنووره‌کانی له‌گه‌ڵ سوریادا ئه‌نجامداوه‌.
ئاژانسی ده‌نگ‌وباسی دۆغانی تورکیا ڕایگه‌یاند که‌وا نزیکه‌ی 25 تانک له‌ ناوچه‌ی نسێبینی ماردین له‌ دوری ته‌نها 2 کیلۆمه‌تر له‌ سنووری سوریاوه‌ له‌و مه‌شقه‌دا به‌شـداریـیان کردووه‌.
جێی ئاماژه‌یه‌ ناوچه‌ی نسێبین ڕێـک ده‌که‌وێته‌ به‌رامبه‌ر شـاری قامیشلوی کوردی سوریا.
تورکیا مه‌ترسی هه‌یه‌ له‌وه‌ی ناوچه‌ کوردیـیه‌کانی سوریا بکه‌وێته‌ ژێر ده‌سـتی ده‌سه‌ڵاتێـکی کوردی به‌ هاوشێوه‌ی ئه‌وه‌ی هه‌رێمی کوردسـتانی عێراق و پاشـان بـبێته‌ په‌ناگه‌یه‌ک بۆ پارتی کرێـکارانی کوردسـتان به‌ تایبه‌تی دوای ئه‌وه‌ی ئاڵای په‌که‌که‌ و وێنه‌کانی ئوجه‌لان له‌ خۆپـیشـاندانه‌کانی کوردی سوریا به‌ شێویه‌کی به‌رچاو به‌رزکرانه‌وه‌.
XS
SM
MD
LG