Accessibility links

شه‌ڕه‌کان له‌ حه‌له‌ب توندتر ده‌بن


پاش ئه‌وه‌ی سه‌رهه‌ڵـداوان دوێنێ شه‌ممه‌ هێرشێـکی گه‌وره‌ی حکومه‌تیان بۆ سه‌ر شـاری حه‌له‌ب‌ ڕاگرت، ئه‌مڕۆ هێزه‌کانی حکومه‌ت به‌ تۆپ و تانکه‌وه‌ که‌وتوونه‌ته‌ تۆپـبارانی ئه‌و ناوچانه‌ی شـاره‌که‌ که‌ له‌ ژێر ده‌سـتی سه‌رهه‌ڵـداواندان‌.
چالاکوانان ده‌ڵێن دوێنێ هێزه‌کانی ئۆپـۆزسیۆن به‌رپه‌رچی هێزه‌کانی حکومه‌تیان داوه‌ته‌وه‌ و چه‌ندین تانکیان شـکاندووه‌.
کۆمه‌ڵی چاودێر مافه‌کانی مرۆڤی سوریا بنکه‌ له‌ بریتانیا ده‌ڵێت ئه‌مڕۆ یه‌کشه‌ممه‌ شه‌ڕی توند له‌ باشوری شـاره‌که‌ ڕوویداوه‌.
له‌ ئێسـتادا چ ئۆپـۆزسیۆن و چ حکومه‌ت مه‌سه‌له‌ی ده‌ستگرتن به‌سه‌ر ئه‌و شـاره‌ سـتراتیژیـیه‌ به‌ خاڵێـکی گرنگ له‌ شه‌ڕه‌که‌یاندا داده‌نێن و هه‌ردوو لایان زۆر به‌ توندی ڕوووبه‌ڕووی یه‌کتر بوونه‌ته‌وه‌.
له‌ لایه‌کی دیکه‌وه‌ ئه‌نجومه‌نی نیشـتیمانی ئۆپـۆزسیۆنی سوریا داوای له‌ ئه‌نجومه‌نی ئاسایش کرد کۆبوونه‌وه‌یه‌کی ته‌نگه‌تاوی سه‌باره‌ت به‌ حه‌له‌ب سـازبدات، ده‌ڵێت حکومه‌ت نیازی هه‌یه‌ کوشـتنکاریـیه‌کی گه‌وره‌ له‌و شـاره‌دا ئه‌نجام بدات.
XS
SM
MD
LG