مه‌غریب و سوریا باڵیۆزی یه‌کتر ده‌رده‌که‌ن

ئه‌مڕۆ دووشه‌ممه‌ مه‌غریب ڕایگه‌یاند که‌وا نبیه‌ اسماعیل باڵیۆزی سوریا له‌ وڵاته‌که‌ی که‌سێـکی نه‌خوازراوه‌ و داوای لێـده‌کات وڵاته‌که‌ جێبهێڵێت.
وه‌زاره‌تی ده‌ره‌وه‌ی مه‌غریب له‌و باره‌یه‌وه‌ به‌یانـنامه‌یه‌کی ده‌رکرد و تیایدا داوای له‌ کۆمه‌ڵی نێونه‌ته‌وه‌یی کرد به‌رپـرسیارێتی ته‌واوی خۆی له‌ ئه‌ستۆ بگرێت بۆ ڕاگرتنی هه‌موو جۆره‌کانی توندوتیژی و کوشـتنکاری له‌ سوریادا.
سوریاش له‌ به‌رامبه‌ردا گوتی له‌ ئه‌مڕۆوه‌ محمد الاخصاصي باڵیۆزی مه‌غریب له‌ دیمه‌شق که‌سێـکی نه‌خوازراوه‌ له‌ سوریا و چێتر وه‌ک باڵیۆز له‌ وڵاته‌که‌ په‌سه‌ند نیـیه‌.