Accessibility links

وه‌زیری ده‌ره‌وه‌ی ئه‌مه‌ریکا پشـتیوانی وڵاته‌که‌ی له‌ میسر دووپات ده‌کاته‌وه‌


ئه‌مڕۆ شه‌ممه‌ وه‌زیری ده‌ره‌وه‌ی ئه‌مه‌ریکا هێله‌ری کلنتن گه‌یشـته‌ قاهیره‌ پایته‌ختی میسر و له‌وێ له‌گه‌ڵ سه‌رۆک محه‌مه‌د مورسی کۆبووه‌وه‌.
پاش کۆبوونه‌وه‌که‌ کۆنگره‌یه‌کی ڕۆژنامه‌وانی هاوبه‌شی بۆ سـازکرا له‌گه‌ڵ هاوتا میسریـیه‌که‌ی محه‌مه‌د کامل عه‌مرۆ.
خانم هێله‌ری له‌ سه‌ره‌تادا سوپاسگوزاری خۆی بۆ سه‌رۆک مورسی ده‌ربڕی بۆ ئه‌و پـێشـوازیـیه‌ گه‌رمه‌ی لێـکردووه‌. پاشـان گوتی وڵاته‌که‌ی پشـتیوانی له‌ دامه‌زراندنی دیموکراتیـیه‌کی ته‌واو له‌ میسر ده‌کات و هه‌روه‌ها به‌ چه‌ندین ڕێـگه‌ هاوکاری ئابوری میسر ده‌کات.
له‌ به‌رامبه‌ریشـدا داوای له‌ سه‌رۆک مورسی کرد سه‌رۆکی هه‌موو میسریـیه‌کان بـبێت و وڵاته‌که‌ ڕێز له‌ مافه‌کانی ژنان و که‌مینه‌کان‌ و مرۆڤ به‌ گشـتی بگرێت. هه‌وره‌ها ڕێزیش له‌و ڕێـکه‌وتنـنامانه‌ نێوده‌وڵه‌تیـیه‌کانیش بگرێت.
XS
SM
MD
LG