Accessibility links

پێشنیاز بۆ پێکهێنانی به‌ره‌یه‌کی کوردستانی ئێران


عارف باوه‌جانی: ئێمه‌ داوای به‌یاننامه‌یه‌کی هاوبه‌ش ده‌که‌ێن بۆ به‌شداری نه‌کردن له‌ هه‌ڵبژاردنه‌کان.
عارف باوه‌جانی: ئێمه‌ داوای به‌یاننامه‌یه‌کی هاوبه‌ش ده‌که‌ێن بۆ به‌شداری نه‌کردن له‌ هه‌ڵبژاردنه‌کان.
سه‌رۆکی پارتی سه‌ربه‌ستی کوردستان، به‌ڕێز عارف باوه‌جانی له‌ نامه‌یه‌کی سه‌رئاواڵا له‌ سه‌ره‌تای ئه‌م مانگه‌دا بۆ گشت لایه‌نه‌ تێکۆشه‌ره‌کانی کورستانی ئێران داوای لێک نزیکبوونه‌وه‌یان له‌ به‌ره‌ یان ئه‌نجومه‌نێکی سیاسی پارته‌کان و که‌سایه‌تییه‌کاندا ده‌کات.
له‌ ئه‌م نه‌خشه‌ ڕێگایه‌ پێشنیارکراوه‌دا، که‌ له‌ چه‌ندین خاڵان دا هاتوه‌، به‌ڕێز باوه‌جانی وێڕای ئاماژه‌ کردن به‌ هه‌ل و مه‌رجی ئێستای کوردستانی ئێران جه‌خت له‌ سه‌ر لێکنزیکبوونه‌وه‌ی لایه‌نه‌کانی سیاسی له‌ چوارچێوه‌ی "به‌ره‌، ئه‌نجومه‌نی سیاسی، کونگره‌ یا فێدراسیۆن" دا ده‌کات.
پێشنازه‌کان باسکردن له‌ سه‌ر خاڵه‌ هاوبه‌شه‌کانی ئێستا و دواڕۆژی کوردستانی ئێران، داڕشتنی پرۆژه‌ یاسایه‌کی پێش گه‌ڕانه‌وه‌ بۆ کوردستانی ئێران، دروستکردنی ئه‌نجومه‌نێکی نوێنه‌رایه‌تی بۆ دیالۆگ له‌گه‌ڵ وڵاتانی ئوروپایی و ئه‌مریکایی، پێشێلکرانی مافه‌کانی مرۆڤ له‌ لایه‌ن حکومه‌تی ئێران و هه‌روه‌ها سه‌باره‌ت به‌ " دروستکردنی لێژنه‌یه‌کی ئاشتیش" پێ داده‌گرێت که‌ "ڕێگانه‌دات له‌ هیچ شوێنێک شه‌ڕی براکوژی" له‌ نێو لایه‌نه‌کانی سیاسی ڕووبدات.
نه‌خشه‌ پێشنیازکراوه‌که‌ ئاماژه‌ به‌ کاری " لێژنه‌ی دروستکراو به‌ ڕه‌زامه‌ندی زۆرینه‌ی لایه‌نه‌کان ده‌کات" که‌ ساڵانه‌ کۆبوونه‌وه‌ پێک بهێنێت.
XS
SM
MD
LG