له‌وه‌تای شه‌ڕه‌کانی تێرۆریستانی ده‌وڵه‌تی ئیسلامی ده‌ستیان پێکردووه وتووێژی گه‌رم و گوڕ هه‌ن له‌سه‌ر ئه‌وه‌ی ئایا ئه‌م ڕێکخراوه توندڕه‌وه سوننه‌یه به نوێنه‌ری ئایینی ئیسلام داده‌نرێت یان نا.
عه‌زیز ڕه‌ئوف، نوسه‌ر و لێکۆڵه‌ر ده‌ڵێت ئه‌مه یه‌کێکه له پرسیاره قورسه‌کان که به‌بێ لێکۆڵینه‌وه‌یه‌کی ورد ناکرێت بڕیاری لێبدرێت و ده‌شڵێت هه‌موو ئایدیۆلۆژیایه‌ک دیوێکی شه‌ڕانگێزی هه‌یه و دیوێکی مرۆڤدۆستانه‌ش و ده‌رکه‌وتنی ده‌وڵه‌تی ئیسلامی دیوه توندڕه‌ویه‌که‌ی ئایینه.
به‌ڕێز ڕه‌ئوف ده‌ڵێت ئایینی ئیسلام ئایینێکی فراوانی فره ڕه‌هه‌نده و موسڵمانی ئێرانی له‌گه‌ڵ موسڵمانی عێراقی جیاوازه و موسڵمانی ئه‌وروپی له‌گه‌ڵ موسڵمانی میسردا جیاوازه و ده‌شڵێت ته‌نانه‌ت ئه‌م جیاوازیه‌ش له‌ناو موسڵمانه‌کانی لایه‌نه ئیسلامیه سیاسیه‌کانیشدا هه‌یه، هه‌ربۆیه‌شه پێویسته ئایین خاڵی بکرێته‌وه له توندووتیژی.
به‌ڵێن ساڵح وتووێژی له‌گه‌ڵ عه‌زیز ڕه‌ئوف، نوسه‌ر و لێکۆڵه‌ر کردووه.
زانیاری زیاتر له ده‌قی وتووێژه‌که‌دایه:
