دادگایه‌کی پاکسـتان درێژه‌ به‌ ماوه‌ی ده‌سـتگیرکردنی دیپـلۆماتێـکی ئه‌مه‌ریکایی ده‌دات

دادگایه‌کی پاکستانی بڕیاری دا پـۆلیس ده‌توانێت به‌رده‌وام بێت له‌ ده‌ستگیرکردنی دیپلۆماتێکی ئه‌مه‌ریکی بۆ ماوه‌ی به‌ لایه‌نی که‌م هه‌شت ڕۆژی تر به‌هۆی ئه‌وه‌ی تاوانبارکراوه‌ به‌ کوشتنی 2 که‌س.

وڵاته‌ یه‌کگرتووه‌کانی ئه‌مه‌ریکا داوای له‌ پاکستان کردووه‌ که‌ ئه‌و دیپلۆماته‌ ئازاد بکات که‌ به‌ ڕایمه‌ند ده‌یڤس ناسراوه‌، و ده‌ڵێت ئه‌و پارێزگاری دیپلۆماتی هه‌یه‌ و به‌ شێوه‌یه‌کی نا یاسایی له‌ شاری لاهور ده‌ستگیرکراوه‌، ئه‌و شوێنه‌ی که‌ ته‌قه‌کردنه‌که‌ تیایدا ڕوویدا.

کاربه‌ده‌ستانی باڵیۆزخانه‌که‌ ده‌ڵێن دێڤس گوایه‌ به‌رگری له‌ خۆی کردووه‌ له‌ میانه‌ی هه‌وڵێکی تاڵانکردندا له‌لایه‌ن 2 پیاوه‌وه‌.

کاربه‌ده‌ستانی پاکستانی ده‌ڵێن دێڤس به‌ ده‌مانچه‌که‌ی خۆی ته‌قه‌ی له‌ دوو پیاو کردووه‌و پاشان گیانیان له‌ ده‌ستداوه‌. و که‌سی سێیه‌میش که‌وتۆته‌ به‌ر ئۆتۆمبێلی کۆنسۆلییه‌که‌ له‌ کاتی ته‌قه‌کردنه‌که‌دا.

دێڤس له‌ 27 مانگی یه‌که‌وه‌ ده‌ستگیرکراوه‌و ڕووبه‌ڕووی تاوانی کوشتنی دوو که‌س بۆته‌وه‌. بڕیاره‌ له‌ 11 ی مانگی دوو دادگاییه‌که‌ی ده‌ستـپێبکاته‌وه‌.