کاربه‌ده‌سـتانی تورکیا ڕۆژی سێشه‌ممه گوتیان 9 سه‌رهه‌ڵـداوی کورد له ده‌می شه‌ڕدا له‌گه‌ڵ هێزه‌کانی حکومه‌ت له باشوری ڕۆژهه‌ڵاتی وڵاته‌که کوژراون.
کاربه‌ده‌سـتان ده‌ڵێن شه‌ڕه‌که له‌گه‌ڵ میلیتانه‌کانی په‌که‌که له ناوچه‌ی هه‌کاری له نزیک سـنووره‌کانی عێراق و ئێران ڕوویداوه. ده‌شڵێن یه‌ک سه‌ربازیش برینداربووه.
ڕۆژی دووشه‌ممه‌ش سه‌ربازێـکی تورک کوژرا له میانه‌ی پـێـکدادانێـکدا له‌گه‌ڵ کۆمه‌ڵێـکی دیکه‌ی په‌که‌که‌دا له ناوچه‌ی تونجه‌لی ڕۆژهه‌ڵاتی تورکیا.
ئاژانسی هه‌واڵه‌کانی فرانس پـرێس ده‌ڵێت پـێده‌چێت ئه‌و سه‌رهه‌ڵـداوانه نیازیان هه‌بووبێت هێرش بکه‌نه سه‌ر ده‌زگایه‌کی به‌رهه‌مهێنانی وزه‌ی ئه‌لیکتریک له‌و ده‌وروبه‌ره.