خانمە هونەرمەندی شاری سلێمانی، مژدە فەتاح پێشانگایەکی هونەری کردەوە کە تێیدا کارە هونەرییەکانی پێنج ساڵی ڕابردوو‌ی تێدا نمایش کرد کە خۆی لە چل و شەش کاری هونەری ئەبینییەوە.
لەگەڵ چوونە ناو پێشانگا هونەرییەکەوە دەیان تابلۆی هەڵواسراو سەرنجی چاوەکانی ڕا ئەکێشا. گەرچی تابلۆکان کێشرابوون، بەڵام وا دەرئەکەوتن کە پارچەی ورد و بچووکی بەردینی ڕەنگاوڕەنگ بن ئەو تابلۆیانەیان درووستکردبێت.
لە لێدوانێکیدا بۆ دەنگی ئەمەریکا، هونەرمەند لەبارەی کارە هونەرییەکانییەوە دوا و باسی لەوە کرد کە کێشانی وێنە وەک ئەوەی لە پارچەی بەردین درووستبووبن، ڕێگایەکی هونەرییەوە و ڕەنگاڵەیی کارەکانی ئەو، پەیامێکی تێدا جێکردووەتەوە کە هەر ڕەنگێک ئاماژەیەک ئەبەخشێت.
