Accessibility links

چوار ئه‌ندامی حزبوڵا به‌ تیرۆرکردنی حه‌ریری تاوانبارده‌کرێن

  • VOA News

چوار ئه‌ندامی حزبوڵا به‌ تیرۆرکردنی حه‌ریری تاوانبارده‌کرێن

چوار ئه‌ندامی حزبوڵا به‌ تیرۆرکردنی حه‌ریری تاوانبارده‌کرێن

دادگایه‌کی سه‌ر به ‌نه‌ته‌وه ‌یه‌گرتووه‌کان که‌ لێکۆڵینه‌وه‌ له‌سه‌ر کوشتنه‌که‌ی سه‌رۆك وه‌زیری پێشووی لوبنان ڕه‌فیق حه‌ریری ده‌کات، بڕیاری تاوانبارکردنی دژی 4 ئه‌ندامی حزبوڵا ده‌رکرد که‌ داوا‌کارانی گشتی ده‌ڵێن ئه‌وان هێرشه‌که‌یان ئه‌نجامدابوو.

دادگاکه‌ ئه‌مڕۆ چوارشه‌ممه‌ تۆمه‌ته‌کانی دژی گومانباره‌کان پشتراستکرده‌وه‌ و بڕیاره‌که‌ی ڕاگه‌یاند پاش ئه‌وه‌ی داوا‌کارانی گشتی به‌ڵگه‌ی هێنده‌ی ئه‌وه‌یان نیشـان دا که‌ که‌یسه‌که‌ بۆ دادگایی‌کردن ببرێت.

دادگاکه‌ ده‌ڵێت تاوانبارکردنه‌که‌ به‌ نهێنی هێڵرایه‌وه‌‌ بۆ ئه‌وه‌ی مسۆگه‌ربکرێت ده‌سه‌ڵاتدارن به‌ شێوه‌یه‌کی کاریگه‌رانه‌‌ گه‌ڕان و پـشـکنینی خۆیان ئه‌نجام بده‌ن و تاوانباره‌کان ده‌ستگیر بکه‌ن. دادگاکه‌ ده‌شڵێت بۆ پاراستی قوربانیه‌کان و هه‌روه‌ها شایه‌تحاڵه‌کان هه‌ندێـک به‌شی به‌ڵگه‌نامه‌که‌ به‌ نهێنی ده‌مێنێته‌وه‌.

دانیاڵ بێڵه‌مه‌ر داوا‌کاری گشتی له‌ که‌یسه‌که‌ پـێشـوازی له‌ ڕاگه‌یاندنی بڕیاری تاوانبارکردنه‌که‌ کرد و گوتی ئه‌وه‌ وه‌ڵامی زۆر پرسیار ده‌داته‌وه‌ سه‌باره‌ت به‌ هێرشه‌که‌ی له‌ مانگی دووی ساڵی 2005 دا کرا و تیایدا ڕه‌فیق حه‌ریری کوژرا، به‌ڵام ته‌واوی مه‌سه‌له‌که‌ له‌ میانه‌ی دادگایه‌کی ڕوون و ئاشـکرا و ڕه‌وادا ده‌رده‌که‌وێت.

سه‌رۆکی دادگاکه‌ هه‌فته‌ی ڕابردوو گوتی ده‌سه‌ڵاتدارانی لوبنانی نه‌یانتوانیوه‌ ئه‌و 4 گومانباره‌ ده‌ستگیربکه‌ن که‌ ئه‌ندامانی حزبۆڵای لوبنانن، حزبوڵا نکۆڵی ده‌کات له‌وه‌ی ده‌ستی له ‌کوشتنه‌که‌ی حه‌ریریدا هه‌بێت.

XS
SM
MD
LG