Accessibility links

موسه‌ویی حکومه‌تی ئێران تاوانبار ده‌کات به‌وه‌ی به‌ ناوی ئیسلامه‌وه‌ نه‌یارانی خۆی سه‌رکوت ده‌کات

  • VOA News

میر حسێن موسه‌وی ڕێبه‌ری ئۆپـۆزسیۆنی ئێرانی حکومه‌تی ئێرانی به‌ هێرشـکردنه‌ سه‌ر نه‌یاره‌کانی به‌ ناوی ئیسلامه‌وه‌ تاوانبارکردووه‌.

له‌ تێبینییه‌کدا که‌ له‌ دره‌نگانێـکی دوێنێ یه‌کشه‌ممه‌ له‌سه‌ر ماڵپه‌ڕه‌که‌یدا بڵاوکرایه‌وه‌ موسه‌ویی گوتی ئیسلام ئازاری که‌س نادات و نه‌ خه‌ڵـکی ده‌سـتگیر‌ده‌کات و نه‌ له‌ گرتووخانه‌ گلیان ده‌داته‌وه‌.

هه‌روه‌ها ئیدعاکانی توندڕه‌وه‌ ئێرانیـیه‌کانی ڕه‌تکرده‌وه‌ که‌ ده‌ڵێن ئۆپـۆزسیۆن په‌یوه‌ندی به‌ هێزه‌کانی ده‌ره‌وه‌ هه‌یه‌، وه‌ گوتی ئیدعای له‌و جۆره‌ هیچ سوودێـک به‌ وڵاته‌که‌ ناگه‌یه‌نێت.

ئۆپـۆزسیۆنی ئێرانی سه‌رۆک مه‌حمود ئه‌حمه‌دی‌نه‌ژاد به‌ ده‌سـتکاریکردنی ئه‌نجامی هه‌ڵبژاردنه‌کانی مانگی حوزه‌یرانی سـاڵی پاری ئێران تاوانبارکردووه‌، که‌ تیایدا موسه‌ویی له‌ پله‌ی دووه‌مدا هات.

بابه‌تی په‌یوه‌ندیدار

XS
SM
MD
LG