Accessibility links

ئەردۆغان: کەسێـکی سوری تەقینەوە خۆکوژیـیەکەی ئستەنبوڵی ئەنجامداوە

  • VOA News

سەرۆکی تورکیا دەڵێت کەسێـکی بە ڕەچەڵەک سوری تەقینەوە خۆکوژیـیەکەی ئستەنبوڵی ئەنجامداوە، ئەوەی بووەتە مایەی کوژران و برینداربوونی دەیان کەس، لەوانە ژمارەیەکیان گەشتیاری بیانین.

ڕەجەب تەیب ئەردۆغان ئەمڕۆ سێشەممە پاش تەقینەوە خوێناویـیەکەی لە ناوچەی گەشتیاری سوڵتان ئەحمەد ڕوویدا، وتارێـکی تەلەفیزیۆنی پـێشـکەشکرد و بە توندی هێرشەکەی شەرمەزارکرد و گوتی لە شەڕیان لە دژی تێرۆرزم بەردەوام دەبن.

ئۆفیسی پارێزگاری ئستەنبوڵ ڕایگەیاند تەقینەوەکە لە نزیک کاتدرائیـیەی ئایا سۆفیا و مزگەوتی شین ڕوویداوە و لە ئاکامدا بە لایەنی کەم 10 کەس بەهۆی تەقینەوەکەوە کوژراون و 15 کەس دیکە برینداربوون.

نوعمان قورتولموش جێگری سەرۆک وەزیری تورکیا لە کۆنگرەیەکی ڕۆژنامەوانی ئامارەکەی ئۆفیسی پارێزگاری پشـتڕاستکردەوە و جەختی لەوەش کردەوە کە خۆکوژەکە سوریـیە و لە دایکبووی ساڵی 1988. گوتیشی زۆربەی کوژراوەکانیش بیانین و دوو لە بریندارەکانیش برینەکانیان سەختە.

لە لایەکی دیکە میدیاکانی ناو تورکیا دەڵێن 6 گەشتیاری ئەڵمانی و نەرویژی لە نێو بریندارەکاندان.

وەزارەتی دەرەوەی ئەڵمانیا ئاگاداریـیەکی بۆ هاوڵاتیانی خۆی لە ئستەنبوڵ دەرکرد و تیایدا داوایان لێ دەکات لە شوێنە قەرەباڵغ و گەشتیاریـیەکان دوربکەونەوە.

دوو کاربەدەسـتی ئاسایشی تورکیا بە ئاژانسی دەنگ‌وباسی ڕۆیتەرزیان گوتووە ئەگەرێـکی زۆر هەیە داعش لە پشـت هێرشەکەوە بێت. هەتا ئامادەکردنی ئەم هەواڵە کەس بەرپـرسیارێتی خۆی لە هێرشەکە ڕانەگەیاندووە.

XS
SM
MD
LG