Accessibility links

له‌ ئه‌نجامی ته‌قینه‌وه‌ی ژماره‌یه‌ک بۆمبی لاڕێ له‌ ئه‌فغانسـتان 12 که‌سی سیڤیل و سه‌ربازێـکی پـۆلۆنی ده‌کوژرێن

  • VOA News

هێزه‌کانی ئاسایشی ئه‌فغانی له‌ شه‌قامێـکدا پاسه‌وانی ده‌که‌ن، (ئه‌رشیفی وێنه‌)

هێزه‌کانی ئاسایشی ئه‌فغانی له‌ شه‌قامێـکدا پاسه‌وانی ده‌که‌ن، (ئه‌رشیفی وێنه‌)

له‌ چه‌ند ناوچه‌یه‌کی ڕۆژهه‌ڵاتی ئه‌فغانسـتان ژماره‌یه‌ک بۆمبی لاڕێ ته‌قیونه‌ته‌وه‌ و له‌ ئه‌نجامدا 12 که‌سی سیڤیلی ئه‌فغانی و سه‌ربازێـکی پـۆڵۆنی کوژراون.

وه‌زاره‌تی به‌رگری پـۆڵۆنیا ده‌ڵێت ڕۆژی هه‌ینی سه‌ربازێـکی کوژراوه‌ و 5 سه‌ربازی دیکه‌ی له‌ هه‌رێمی غازنی برینداربوون.

له‌ لایه‌کی دیکه‌ و هه‌ر له‌ غازنی، ناتۆ ده‌ڵێت ڕۆژی پـێـنجشه‌ممه‌ له‌ ناوچه‌ی قه‌ره‌باوغ بۆمبێـک ته‌قیوه‌ته‌وه‌ و بووه‌ته‌ مایه‌ی کوژرانی 3 کرێـکاری بیناسـازی و برینداربوونی 2 ی دیکه‌.

له‌ ئێواره‌شـدا 9 کرێـکاری بیناسـازی به‌ ته‌قینه‌وه‌ی بۆمبێـکی لاڕێ له‌ بار کوناری هه‌رێمی کونار کوژران.

XS
SM
MD
LG