هه‌رسێ لایه‌نی ئۆپزسیۆن (بزوتنه‌وه‌ی گۆڕان-یه‌کگرتوی ئیسلامی-کۆمه‌ڵی ئیسلامی) ئه‌مڕۆ دووشه‌ممه کۆبونه‌وه‌یه‌کی تریان کردووه و پاش کۆبونه‌وه‌که‌یان پێشوازییان له بڕیاره‌کانی سه‌رۆکایه‌تی هه‌رێمی کوردستانی عێراق کردووه و به هه‌نگاویکی گونجاو ناودێر کراوه بۆ ده‌ستپێکردنه‌وه‌ی دانوستانه‌کان.
ئه‌بوبه‌کر عه‌لی ، ئه‌ندامی مه‌کته‌بی سیاسی یه‌کگرتوی ئیسلامی ده‌ڵێت لایه‌نه‌کانی ئۆپزسیۆن هیچ مه‌رجی نییه بۆ ده‌ستکردنه‌وه به وتووێژه‌کان ته‌نها ئه‌وه نه‌بێت ده‌ستبکرێت به جێبه‌جێکردنی بڕیاره‌کانی سه‌رۆکی هه‌رێم.
به‌ڕێز عه‌لی ده‌شڵێت زۆر گرنگه دام و ده‌زگاکانی حکومه‌تی هه‌رێم ئه‌و گومان و دوو دڵیانه‌ی پێشتر هه‌بوون بڕه‌وێنێته‌وه و سه‌لماندن هه‌بێت بۆ ده‌ستپێکی قۆناغێکی نوێ له هه‌رێمه‌که‌دا.
هاوکارمان به‌ڵێن ساڵح گفت و گۆی له‌گه‌ڵ ئه‌بوبه‌کر عه‌لی ، ئه‌ندامی مه‌کته‌بی سیاسی یه‌کگرتوی ئیسلامیدا کردووه.
ده‌توانن له ڕێی کلیککردنی ئه‌و فایله ده‌نگیانه‌ی سه‌روه‌ی ده‌سته چه‌پ گوێبیستی ته‌واوی گفت و گۆکه بن که ماوه‌که‌ی 6:02 خوله‌که.
