Accessibility links

17 هه‌مین سـاڵیادی به‌شـی کوردی


17 هه‌مین سـاڵیادی به‌شـی کوردی

17 هه‌مین سـاڵیادی به‌شـی کوردی

له‌م مانگه‌دا بۆنه‌ی 17 هه‌مین سـاڵیادی دامه‌زراندنی به‌شی کوردی ده‌نگی ئه‌مریکا به‌سه‌رکرایه‌وه‌. هه‌موو ڕۆژێـک ده‌نگی ئه‌مریکا په‌خش بۆ کوردی عێراق و ئێران و تورکیا و سـوریا و به‌شه‌کانی تری ڕۆژهه‌ڵاتی ناڤین و قه‌فقاز ده‌کات. به‌شـی کوردی به‌ دوو زاراوه‌ی سه‌ره‌کی زمانی کوردی که‌ بریتین له‌ کرمانجی و سـۆرانی به‌رنامه‌کانی په‌خش ده‌کات.

ڕادیۆی کوردی ده‌نگی ئه‌مریکا هه‌واڵ و زانیاریـیه‌کان بڵاوده‌کاته‌وه‌ سه‌باره‌ت به‌و ڕووداوانه‌ی که‌ له‌ هه‌موو شـوێنـک کاریگه‌ریـیان له‌سه‌ر که‌سـانی کورد هه‌یه‌. به‌شه‌که‌ به‌رنامه‌یه‌کی هه‌فتانه‌ی ئاخافتنی هه‌یه‌ ناسراو به‌ " هه‌له‌و واشـنتن" که‌ تیایدا به‌شـداربووان له‌ ڕێـگه‌ی ته‌له‌فۆنه‌وه‌ پـرسـیار ئاڕاسـته‌ی شـاره‌زایان ده‌که‌ن سه‌باره‌ت به‌ هه‌موو بابه‌تێـک له‌ پاراسـتنی ژینگه‌وه‌ بۆ مافه‌کانی که‌لتوری و هه‌تا نوێنه‌رایه‌تی دیموکراسی بۆ کورد. ئه‌و به‌رنامه‌یه‌ ژماره‌یه‌کی زۆر په‌یوه‌ندی ته‌له‌فۆنی له‌ به‌شـداربووانی ڕۆژهه‌ڵاتی ناڤین و به‌شه‌کانی تری جیهانه‌وه‌ پـێده‌گات. هه‌ندێـک به‌رنامه‌ و بابه‌تی دیکه‌ له‌سه‌ر ماڵپه‌ڕی ئه‌و به‌شـه‌ بڵاوده‌کرێته‌وه‌ www.voanews.com/kurdish و www.voanews.com/kurdi .

دکتۆر نه‌جمه‌دین که‌ریم سه‌رۆکی ئه‌نسـتتیوتی کوردی له‌ واشـنتن که‌ ڕێـکخراوێـکی ناحکومی توێژینه‌وه‌ و ڕۆشـنبیریـیه‌ ده‌ڵێت به‌شی کوردی ڕادیۆی ده‌نگی ئه‌مریکا بایه‌خداره‌ بۆ کوردانی هه‌رێمه‌که‌.

دکتۆر نه‌جمه‌دین که‌ریم : " دامه‌زراندنی به‌شی کوردی له‌ سـاڵی 1992 دا هه‌نگاوێـکی زۆر گرنگ و پـێویست بوو بۆ گه‌یاندنی هه‌واڵه‌کان بۆ خه‌ڵـکی کورد به‌ جۆرێـکی بێ لایه‌نانه‌ و بێ ده‌سـتکاریـکردن. به‌ ڕاسـتیش ئه‌وه‌ بۆشـایی‌یه‌کی گه‌وره‌ بوو که‌ له‌ لایه‌ن ڕادیۆی ده‌نگی ئه‌مریکاوه‌ پـڕکرایه‌وه‌. له‌ ئه‌زموونی خۆمه‌وه‌ ده‌زانم ئه‌مه‌ به‌شـێـکی زۆر به‌ناوبانگه‌ و خه‌ڵـکان له‌ توێژه‌ جیاوازه‌کانی ژیانه‌وه‌ گوێبیسـتی هه‌واڵه‌کانی ده‌نگی ئه‌مریکان له‌گه‌ڵ به‌رنامه‌کانی تردا و ئومێده‌واریشم ئه‌و ڕۆژه‌ بێته‌ دی که‌ به‌شـه‌که‌ به‌رنامه‌ی ته‌له‌فیزیۆنیشـیان هه‌بێت بۆ ئه‌وه‌ی خه‌ڵـکان باشـترین هه‌واڵ بـبینن و بیبیستن.

ئه‌ندامی په‌رله‌مانی عێراق مه‌حمود عوسـمان پـیرۆزبایی ئاڕاسـته‌ی به‌شـی کوردی ده‌نگی ئه‌مریکا کرد بۆ ئه‌و ڕۆڵه‌ باشه‌ی بینیویانه‌ سه‌باره‌ت به‌ پـێشـخسـتنی په‌یوه‌ندی باشـتر له‌ نێوان خه‌ڵـکانی ئه‌مریکا و کوردی عێراق و ناوبراو ئومێدی ده‌ربڕی که‌ به‌رنامه‌کانی ئه‌و به‌شـه‌ به‌رفراوان بن.

بۆ حه‌ڤده‌ سـاڵ ده‌چێت به‌شـی کوردی ده‌نگی ئه‌مریکا وابه‌ست بوو به‌ ئامانج و ئه‌رکی ده‌نگی ئه‌مریکاوه‌، ئه‌و ئه‌رکه‌ی که‌ له‌ یه‌که‌م په‌خشی ده‌نگی ئه‌مریکا له‌ سـاڵی 1942 دا پـێناسه‌ کرا به‌وه‌ی " هه‌واڵه‌کان ڕه‌نگه‌ باش بن، هه‌واڵه‌کان ڕه‌نگه‌ خراپ بن، ئێمه‌ هه‌ر ڕاستیتان پـێده‌ڵـێن."

بابه‌تی په‌یوه‌ندیدار

XS
SM
MD
LG