وه‌زاره‌تی ده‌ره‌وه‌ی ئێران ڕۆژی یه‌كشه‌ممه نامه‌یه‌كی بـێزاری ئاڕاسـته‌ی باڵیۆزی فه‌ره‌نسـا بێرنارد پـۆلیتی كردووه سه‌باره‌ت به ڕێبازی فه‌ره‌نسـا به‌رامبه‌ر به چالاكیـیه ناوه‌كیـیه ئاشتیـیه‌كانی ئێران.
وته‌بێژی وه‌زاره‌تی ده‌ره‌وه‌ی ئێران محه‌مه‌د عه‌لی حوسـه‌ینی له تاران به په‌یامنێرانی وتووه ئێران بۆچوونی سه‌باره‌ت به پاریس پـێده‌چێته‌وه ئه‌گه‌ربێت و فه‌ره‌نسـا به‌رده‌وامبێت له وه‌رگرتنی هه‌ڵـوێستی توند دژ به پـێداگرتنی ناوه‌كی له نێوان تاران و ڕۆژئاوا.
نوێنه‌ری فه‌ره‌نسـا له وڵاته یه‌كگرتووه‌كانی ئه‌مریكا پـێر ڤیمۆنت له ڕۆژی هه‌ینی وتی هه‌ندێ له ئه‌ندامه ناهه‌میـشه‌یـی‌یه‌كانی ئه‌نجومه‌نی ئاسایشی نه‌ته‌وه یه‌كگرتووه‌كان ڕێـكـكه‌وتنـنامه‌یه‌ك له‌سه‌ر بڕیاری سـزا نوێـیه‌كان به نیازی فشـارهێنانه سه‌ر ئێران بۆ ڕاگرتنی چالاكیـیه هه‌ستیاره ناوه‌كیـیه‌كانی دوا ده‌خه‌ن.