هۆشـیار زێباری سه‌ردانه‌كه‌ی بێرنارد كۆشـنێر بۆ عێراق به‌ مێژوویی ناوزه‌ند ده‌كات

سه‌باره‌ت به‌ سه‌ردانه‌كه‌ی وه‌زیری ده‌ره‌وه‌ی فه‌ره‌نسـا بێرنارد كۆشنێر بۆ عێراق و هه‌روه‌ها سه‌ردانه‌كه‌ی سه‌رۆك وه‌زیری عێراق نوری ئه‌لمالیكی بۆ سوریا هاوكارمان به‌ڵێن سـاڵح گفتوگۆیه‌كی له‌گه‌ڵ وه‌زیری ده‌ره‌وه‌ی عێراق هۆشـیار زێباری سـازداوه‌.

هۆشـیار زێباری له‌ قه‌سه‌كانیدا ده‌ڵێت سه‌ردانه‌كه‌ی وه‌زیری ده‌ره‌وه‌ی فه‌ره‌نسـا بێرنارد كۆشنێر، كه‌ دۆسـتێـكی دێرینی میلله‌تی عێراقه‌، سه‌ردانێـكی مێژوویـیه‌، وه‌ ئه‌مه‌ یه‌كه‌مین سه‌ردانه‌ له‌م بیست سـاڵه‌ی دوایـیدا كه‌ له‌لایه‌ن وه‌زیری ده‌ره‌وه‌ی فه‌ره‌نسـا بۆ عێراق بكرێت.

ده‌توانن گوێبیسـتی ده‌قی گفتوگۆكه‌ بن له‌ ڕێـگه‌ی كلیـكـكردنی ئه‌و فایله‌ ده‌نـگیـیه‌ی سه‌ره‌وه‌، ماوه‌كه‌ی 6 خوله‌كه‌.