Accessibility links

كۆنفرانسی نێوده‌وڵه‌تی كۆمپانیاكانی گه‌شت و گوزار له‌ هه‌ولێر


لە شاری هەولێر كۆنفڕانسی نێودەوڵەتی كۆمپانیاكانی گەشتوگوزار بە بەشداری نزیكه‌ی 500 کۆمپانیای ناوخۆیی و دەرەکی دەستیپێکرد. له‌م كۆنفرانسه‌دا ژماره‌یه‌كی زۆر له‌ به‌رپرسانی ناوخویی و ده‌ره‌كی ئاماده‌بوون.

نێچیرڤان بارزانی

نێچیرڤان بارزانی

نێچیرڤان بارزانی سه‌رۆكی حكومه‌تی هه‌رێمی کوردستان بەشداری لە کۆنفرانسەکە کرد و ڕایگەیاند حکومەتی هەرێم کار بۆ ئەوە دەکات کە کەرتی گەشتیاری و کشتووکاڵ و پیشەسازی لە شوێنی کەرتی نەوت و گازی سرووستی ببنە سەرچاوەی داهاتی هه‌رێمی كوردستان .

كه‌رتی گه‌شتیاری له‌ هه‌رێمی كوردستان پێشکەوتنی زۆری بەخۆیەوە بینیوە كه‌ بەو هۆیەوە شاری هەولێر وەکو پایتەختی گەشتیاری وڵاتانی عەرەبی هەڵبژێردرا. ئه‌م کۆنفرانسە گه‌شتیارییه‌ بۆ ماوەی دوو ڕۆژ بەردەوام دەبێت و تێیدا چەندین کەسایەتی و وەزیرانی گەشتوگوزاری وڵاتانی بیانی و ناوخویی و ده‌وروبه‌ری به‌شداریان تێدا كردووه.

دەقی ڕاپۆرتی پەیامنێرمان ئەحمەد زێباری


XS
SM
MD
LG