ڕاپۆرتە هەواڵییەکانی میدیای تورکیا ڕادەگەیەنن تورکیا دەستیکردووە بە دروستکردنی دیوارێکی 45 کیلۆمەتری کۆنکریتی بە درێژایی سنوری سەرەکی لەگەڵ سوریا.
ئاژانسی دەنگوباسی دۆغان ڕادەگەیەنێت بەربەستێکی 12 کلیۆمەتری لە ئێستاوە بەدرێژایی سنوور لە شارۆچکەی ڕەیحانییەی هەرێمی هاتای دروست کردووە کە خاڵی سەرەکی قاچاخچێتی و دەربازبوونی سنوورە لە ناو سوریاوە.
کاربەدەستان ئەم هەواڵەیان پشتڕاست نەکردووەتەوە.
تورکیا باری ئاسایشی سنوورەکانی توند کردووە بە مەبەستی ڕێگاگرتن لە جیهادییە بیانییەکان لە چوونە ناو سوریاوە و هەروەها بۆ ڕێگاگرتن لە چەکدارەکانیش کە لە سوریاوە بێنە ناو تورکیاوە.
تورکیا هێرشی ئاسمانی بۆ سەر ئامانجەکانی داعش لە ناو سوریا دەستپێکرد، پاش ئەوەی بەهۆی هێرشێکی خۆکوژی 32 کەس لە ناو ولاتەکەی کوژران. تورکیا ڕێگاشی بە وڵاتە یەکگرتووەکانی ئەمەریکا لە باشوری ڕۆژهەڵاتی تورکیاوە هێرشەکانی دژ بە چەکدارانی داعش بکەن.