Accessibility links

دەزگەهێ (روانگە) یێ خێرخوازى و مروڤاتى کەمپەک نو بۆ ئاوارەیێن شنگالێ ڤەکر، ئەوێن تا نوها د چ کەمپان دا نەهاتینە حەواندن. ئەڤ کەمپە نە خیڤەتن بەلکو.. کابینەن و هەمى پێتڤیێن ژیانێ وەک ئاڤ ،ئەلکنریک، و دەست شو ،جادە و بنگەهێن تەندروستى و خاندنگەه و یاریگەه بۆ زارۆیان دناف ڤێ کەمپێدانە. ئەڤ کەمپە دێ 3000 هزار کابینان دانیت کو نێزیک 24000 هزار کەس تێدا ژیانێ بکەن .هەر وەکى نوینەرێ دەزگەهێ روانگە ئەڤ چەندە دپەیڤا خودا دایە دیار کرن.

ئەڤ کەمپە دکەڤیتە گەلیێ زاخو دناڤبەرا قەزا سێمێل و زاخودا، ئیرۆ ب رەنگەک فەرمى ژلایێ نوینەرێ حکومەتا هەرێما کوردستانێ و بەرپرسێن دەزگەهێ روانگە و رێکخراوێن مروڤاتى هاتە ڤەکرن و 250 کابینە ب تەمامى دانە دەستێن ئاواران.

دبەڵافکرنا ڤان کەمپاندا هند ئاواران نەرازیبونا خو دیارکرن و گوتن بەڵافکرنا وانژى ب واستەیە و هەر فەقیر ل پاشیێ دمینە.. لێ هنداژى دەست خۆشى ل دەزگەهێ روانگە و حکومەتا هەرێما کوردستانێ کرن ژبو ڤان هاریکاریێن پێشکێشى ئاواران دکەن. فەرمون دا گوهداریا چەند بۆچونێن ئاواران بکەین.

نوینەرێ دەزگەهێ روانگە د پەیڤا خودا گوت:

ئیروژى ب هەزاران ئاواران مانە نەچوینە د چ کەمپاندا و ئاڤاکرنا کەمپانژى بەردەوامە ، لێ هێشتا چارەسەریا ژین و ژیارا ئاواران ب تەمامى نەهاتیەکرن. چونکە دوربونا وان ژ مالێن وان کێشە مەزنە و زو ب زو ناهێتە چارەکرن .لێ هەر چنەبیت ب ئاڤاکرنا ڤان رەنگە کەمپان ئاوارە دلخوش دبن و ب هندەک مافێن ژیانێ شاد دبن.

XS
SM
MD
LG