وڵاته یه‌کگرتووه‌کانی ئه‌مریکا بوجه‌یه‌کی گه‌وره‌ی بۆ به‌رگری و کرده‌ی له‌شکری ده‌ره‌کی بۆ ساڵی 2015 په‌سه‌ندکردووه و بڕێکی ئه‌و بوجه‌یه بۆ مه‌شق و راهێنان پێکردنی سوپای عێراق و دابینکردنی چه‌ک بۆ سه‌رهه‌ڵداوانی میانڕه‌وی سورییه. به ڕه‌چاوکردنی هه‌ره‌سهێنانی سوپای عێراق له موسڵ له به‌رامبه‌ر میلیتانانی ده‌وڵه‌تی ئیسلامی و هه‌روه‌ها مانه‌وه‌ی رژێمی به‌شار ئه‌سه‌د له سوریا، ئایا ئه‌م ستراتیژه‌ی ئه‌مه‌ریکا ئامانجی خۆی ده‌پێکێت. سمکۆ عه‌زیز له به‌شی کوردی ده‌نگی ئه‌مریکا ئه‌م باسه‌ی له‌گه‌ڵ " ئه‌مین فه‌ره‌ج " مامۆستای زانستی سیاسی له زانکۆی سه‌ڵاحه‌دین گه‌نگه‌شه کردووه.
