Accessibility links

پـێده‌چێت فڕۆکه‌ی هاوپه‌یمانان بۆردومانی‌ به‌ره‌ی نوسره‌یان له‌ باکوری ڕۆژئاوای سوریا کردبێت

  • VOA News

چالاکوانانی سوریا ده‌ڵێن شه‌وی ڕابردوو چه‌ند شوێنێـک له‌ شارۆچکه‌ی حارمی پارێزگای ئیدلب له‌ باکوری ڕۆژئاوای سوریا له‌ لایه‌ن فڕۆکه‌وه‌ بۆردومانکراون که‌ پـێده‌چێت فڕۆکه‌ی وڵاتانی هاوپه‌یمانان به‌ ڕێبه‌رایه‌تی ئه‌مه‌ریکا بووبن.

کۆمه‌ڵه‌ی چاودێری مافه‌کانی مرۆڤی سوریا بنکه‌ له‌ به‌ریتانیا و کۆمیته‌کانی هه‌ماهه‌نگی خۆجێی سوریا که‌ هه‌ردووکیان زانیاری له‌سه‌ر ڕووداوه‌کانی ناو سوریا له‌ ژماره‌یه‌کی زۆری چالاکوانان کۆده‌که‌نه‌وه‌ هه‌واڵه‌که‌یان ڕاگه‌یاند، به‌ڵام هیچ زانیاریـیه‌کیان له‌ باره‌ی ئامانج و زیانه‌کانی بۆردومانه‌که‌ ده‌ست‌نه‌که‌وتووه‌.

56, Haram, Syria
56, Haram, Syria

شارۆچکه‌ی حارم که‌ که‌متر له‌ 10 کیلۆمه‌تر له‌ ناوچه‌کانی ژێر ده‌سه‌ڵاتی یه‌کینه‌کانی پاراستنی گه‌ل له‌ کانتۆنی عه‌فرینه‌وه‌ دوره، له‌ ژێر کۆنترۆڵی به‌ره‌ی نوسره‌ی باڵی ئه‌لقاعیده‌ی سوریایه‌. فڕۆکه‌کانی ئه‌مه‌ریکا هه‌فته‌ی ڕابردوو له‌ نزیک ئه‌م شارۆچکه‌یه‌ چه‌کدارانی ئه‌م کۆمه‌ڵه‌ توندڕه‌وه‌یان بۆردومانکرد.

ئه‌گه‌ربێت هه‌واڵه‌که‌ پشـتڕاستبکرێته‌وه‌، ئه‌وا ده‌بێته‌ چواره‌م جار به‌ره‌ی نوسره‌ بکرێته‌ ئامانجی هێرشی ئاسمانی له‌وه‌تای هه‌ڵمه‌تی هاوپه‌یمانان به‌ ڕێبه‌رایه‌تی ئه‌مه‌ریکا له‌ دژی داعش و کۆمه‌ڵه‌ توندڕه‌وه‌کانی دیکه‌ی ناو سوریا ده‌سـتپـێـکردووه‌.

XS
SM
MD
LG