Accessibility links

دکتۆر نه‌زه‌ند به‌گیخانی: ئه‌و کاته‌ی خانمان خۆیان وه‌ک قوربانی ده‌بینن چاوه‌ڕوانی ده‌ستێکی تر ده‌بن تا ڕووبه‌ڕووی کێشه‌کانیان ببنه‌وه‌

  • Balen Salih

دکتۆر نه‌زه‌ند به‌گیخانی

دکتۆر نه‌زه‌ند به‌گیخانی

کاردانه‌وه‌کان به‌رده‌وامن له‌سه‌ر کوشتنی شلێر و حه‌لیمه‌ له‌ هه‌رێمی کوردستانی عێراق، هه‌روه‌هاش جۆرێک له‌ ناڕه‌زایی هه‌یه‌ به‌رامبه‌ر بڵاو کردنه‌وه‌ی وێنه‌کانی ئه‌و ڕووداوه‌ به‌ تایبه‌تی له‌ کاتی ده‌رهێنانی ته‌رمه‌کاندا.

دکتۆر نه‌زه‌ند به‌گیخانی، پسپۆڕی بواری جێنده‌ر ده‌ڵێت ئه‌وه‌ دروسته‌ که‌ بڵاوکردنه‌وه‌ی ئه‌و وێنانه‌ ده‌شێت هه‌ستی گشتی بریندار بکات به‌ڵام ده‌شڵێت پێویستیشه‌ ئه‌و جۆره‌ وێنانه‌ بڵاوبکرێنه‌وه‌ چونکه‌ ئه‌و وێنانه‌ پێمان ده‌ڵێن له‌م وڵاته‌دا چی به‌رامبه‌ر خانمان ده‌گوزه‌رێت له‌و ڕوانگه‌یه‌وه‌ی گه‌ر چاوی کامێرا نه‌بێت بیرمان ده‌چێته‌وه‌ چی ڕووده‌دات.

دکتۆر نه‌زه‌ند به‌گیخانی ده‌ڵێت مه‌خابن ژن له‌ کۆمه‌ڵگای کوردیدا دابه‌ش بووه‌ ئه‌م دابه‌شبونه‌ش که‌ وه‌های کردووه‌ که‌مته‌رخه‌می هه‌بن به‌ پله‌ی یه‌که‌م ده‌گه‌ڕێته‌وه‌ بۆ پره‌نسیپی (خۆ به‌ قوربانی زانین) ه‌، خانمی کورد خۆی وه‌کو‌ قوربانی ده‌بینێت و کاتێکیش ئه‌م دیارده‌یه‌ زاڵ ده‌بێت ناتوانرێت وه‌ک که‌سێکی کارا هه‌نگاو بنێیت بۆ پێشه‌وه‌ و هه‌وڵی چاره‌سه‌رکردنی ئه‌و کێشانه‌ بده‌یت که‌ به‌ره‌و ڕووت ده‌بنه‌وه، هه‌ر بۆیه‌شه‌ کاتێک خۆت وه‌ک قوربانی ده‌بینیت ئه‌وا ناتوانیت کاریگه‌ریه‌کی ئه‌وتۆت هه‌بێت له‌سه‌ر ئه‌و ڕه‌وشه‌ی تیایدا ده‌ژیت.

به‌ڵێن ساڵح وتووێژی له‌گه‌ڵ دکتۆر نه‌زه‌ند به‌گیخانی کردووه‌.

زانیاری زیاتر له‌ ده‌قی وتووێژه‌که‌دایه‌:

XS
SM
MD
LG