Accessibility links

بڕیاره‌ وتووێژه‌کانی داهاتووی نێوان ئێران و زلهێزانی جیهان له‌ 17 ی مانگی سێ به‌ڕێوه‌بچن

  • VOA News

کاثرین ئاشـتۆن به‌رپـرسی سیاسه‌تی ده‌ره‌وه‌یی یه‌کێتی ئه‌ورپا ده‌ڵێت گه‌ڕی داهاتووی وتووێژه‌کانی تایبه‌ت به‌ به‌رنامه‌ ناوکیـیه‌که‌ی ئێران له‌ 17 ی مانگی سێ به‌ڕێوه‌ده‌چێت.
ئاشـتۆن ئه‌مڕۆ پـێنجشه‌ممه‌ گوتی ئێران و شه‌ش زلهێزه‌که‌ی جیهان کۆتایـیان هێنا به‌ سێ ڕۆژ له‌ وتووێژی زۆر به‌سوود له‌ ڤیه‌نـنا که‌ تیایدا تاووتوێی مه‌سه‌له‌کانیان کرد به‌ مه‌به‌سـتی گه‌یشـتن به‌ ڕێـکه‌وتنێـکی کۆتایی گشـتگیر.
له‌ ئێرانیش، ده‌زگاکانی ڕاگه‌یاند ئه‌مڕۆ ڕایانگه‌یاند که‌وا هه‌ردوولا ڕێـکه‌وتوون له‌سه‌ر چوارچێوه‌یه‌کی وتووێژکردن به‌ ئامانجی گه‌یشـتن به‌ ڕێـکه‌وتنێـکی له‌و جۆره‌. عه‌باس عه‌راقچی گه‌وره‌ وتووێژکاری ئێران له‌م باره‌یه‌وه‌ بۆ ئاژانسی ده‌نگ‌وباسی IRNA لێدوانی دا، به‌ڵام هیچ باسی له‌ ورده‌کاریـیه‌کانی دانوسـتاندنه‌کان نه‌کرد.
هه‌ردوولا هه‌وڵ ده‌ده‌ن له‌سه‌ر بنه‌مای ئه‌و ڕێـکه‌وتنه‌ کاتیـیه‌ به‌ ئه‌نجامێـکی کۆتایی بگه‌ن که‌ له‌ مانگی یازده‌دا پـێی گه‌یشتن. به‌پـێی ئه‌و ڕێـکه‌وتنه‌ که‌ بۆ شه‌ش مانگه‌، ده‌بێت ئێران له‌و ماوه‌یه‌ کاره‌ هه‌سـتیاره‌ ناوکیـیه‌کانی ڕابگرێت و له‌ به‌رامبه‌ردا هه‌ندێـک له‌ سزا نێوده‌وه‌ڵه‌تیـیه‌کانی له‌سه‌ر سووکبکرێن.
عه‌راقچی که‌ بۆخۆشی جێـگری وه‌زیری ده‌ره‌وه‌یه‌ گوتی وڵاته‌که‌ی له‌ چوارچێوه‌ی هه‌رچ ڕێـکه‌وتنێـکی کۆتایـیدا هیچ کام له‌ ده‌زگا ناوکیـیه‌کانی هه‌ڵناوه‌شێنێته‌وه‌.
XS
SM
MD
LG