Accessibility links

سه‌رۆک وه‌زیری تایلاند باری نائاسایی له‌ به‌شێـکی پایته‌خت ڕاده‌گه‌یه‌نێت

  • VOA News

خانم یه‌نگلوک شیناواترا سه‌رۆک وه‌زیری تایلاند فه‌رمانی جێبه‌جێـکردنی یاسای باری نائاسایی دا له‌ به‌شێـکی گه‌وره‌ی بانکۆکی پایته‌خت، ئه‌مه‌ش پاش ئه‌وه‌ی خۆپـیشـاندانه‌ ناڕه‌زایـیه‌کانی دژی حکومه‌ته‌که‌ی په‌ره‌یان سه‌ند.
خانم یه‌نگلوک شه‌وی دووشه‌ممه‌ ئه‌م بڕیاره‌ی ڕاگه‌یاند دوابه‌دوای خۆپـیشـانده‌ران چه‌ند به‌شێـکی هه‌ردوو وه‌زاره‌تی ده‌ره‌وه‌ و دارایی‌یان داگیرکرد.
پـێشـتر نزیکه‌ی 30 هه‌زار که‌س له‌ بانکۆک ده‌سـتیان به‌ ڕێـپـێوان کرد به‌ ئاڕاسته‌ی به‌ لایه‌نی که‌م 13 ده‌زگای حکومی له‌ شـاره‌که‌دا و تیایدا داوای ده‌سـت له‌ کارکێشـانه‌وه‌ی حکومه‌تیان ده‌کرد، ده‌ڵێن خانم یه‌نگلوک یاری ده‌سـتی براکه‌یه‌تی تاکسین شیناواترا سه‌رۆک وه‌زیری پـێشـوو که‌ ئێسـتا له‌ ده‌ره‌وه‌ی وڵات ده‌ژی.
هاوکات هه‌زاران لایه‌نگری حکومه‌ت له‌ یاریگای بانکۆک گردبوونه‌وه‌ و په‌یمانیان داوه‌ له‌وێ بمێننه‌وه‌ هه‌تا ئه‌و ده‌مه‌ی ئۆپـۆزسیۆن کۆتایی به‌ خۆپـیشـاندانه‌کانی ده‌هێنێت. زۆرێـک له‌ تایلاندیـیه‌کان مه‌ترسیان هه‌یه‌ هه‌ردوولا به‌ یه‌کدا بده‌ن.
ناڕه‌زایـیه‌کان له‌وه‌ ده‌سـتیپـێـکرد، چه‌ند هه‌فته‌یه‌ک له‌مه‌وبه‌ر پـرۆژه‌ بڕیارێک له‌ ئارادا بوو بۆ ده‌رکردنی لێبوردنێـک بۆ تاکسین شیناواترا تاوه‌کو بتوانێت بگه‌ڕێته‌وه‌ وڵاته‌که‌ی و له‌ زیندانیکردن له‌سه‌ر گه‌نده‌ڵی ڕزگاری بـبێت.
XS
SM
MD
LG