Accessibility links

زاهیر سدیق: سوتاندنی په‌یکه‌ری خۆشه‌ویستی و شکاندنی گۆڕه‌که‌ی شێرکۆ بێکه‌س هیچی که‌متر نییه‌ له‌ هێرشه‌ تێرۆرکاریه‌کانی هه‌ولێر

  • Balen Salih

زاهیر سدیق

زاهیر سدیق

له‌ ماوه‌ی یه‌ک هه‌فته‌دا له‌ پارکی ئازادی له‌ شاری سلێمانی په‌یکه‌ری خۆشه‌ویستی سوتێنرا و هێرشیش کرایه‌ سه‌ر گۆڕ‌ی شیرکۆ بێکه‌س گه‌وره‌ شاعیری کورد و کێلی گۆڕه‌که‌یان شکاند.

گۆڕی شێرکۆ بێکه‌س

گۆڕی شێرکۆ بێکه‌س

هونه‌رمه‌ند زاهیر سدیق که‌ په‌یکه‌ری خۆشه‌ویستی دروست کردووه‌ و خاوه‌نی ژماره‌یه‌ک په‌یکه‌ری تریشه‌ له‌ هه‌رێمی کوردستانی عێراق ده‌ڵێت مه‌خابن له‌ سلێمانی پایته‌ختی ڕۆشنبیری زۆر نه‌یار و زۆر له‌وانه‌ی دژی ئازدین چاویان به‌ ئازادی ئه‌مڕۆدا هه‌ڵنایه‌ت و دێن و هێرش ده‌که‌نه‌ سه‌ر په‌یکه‌رێک که‌ هیچ په‌یوه‌ندیه‌کی به‌ سیاسه‌ته‌وه‌ نییه‌ و ته‌نها ئه‌وه‌نده‌ نه‌بێت بووبووه‌ سیمبۆلێک بۆ عه‌شق و خۆشه‌ویستی.

په‌یکه‌ری خۆشه‌ویستی

په‌یکه‌ری خۆشه‌ویستی

هونه‌رمه‌ندی په‌یکه‌رتاش زاهیر سدیق ده‌شڵێت له‌و کاتانه‌دا که‌ خه‌ڵک له‌ خۆ ئاماده‌کردندا بوون بۆ پێشوازی له‌ جه‌ژنی قوربان په‌لاماری گۆڕه‌که‌ی شاعیری گه‌وره‌ شێرکۆ بێکه‌س ده‌درێت و ده‌شڵێت ئه‌م جۆره‌ کارانه‌ کاری تێرۆریستی و کاری دوژمنانی ڕووناکین.




په‌یکه‌ری خۆشه‌ویستی پاش سوتاندنی

په‌یکه‌ری خۆشه‌ویستی پاش سوتاندنی


له‌ میانه‌ی وتووێژه‌که‌یدا له‌گه‌ڵ به‌ڵێن ساڵح، زاهیر سدیق گله‌ییش له‌ ڕێکخراوه‌ سیڤیڵیه‌کانیش ده‌کات که‌ تا ئێستا هه‌ڵوێستێکی فه‌رمییان نه‌بووه‌ له‌سه‌ر ئه‌و دوو ڕووداوه‌ و ده‌ڵێت هیواداره‌ هاتنی پشوی جه‌ژن هۆکاربووبێت بۆ بێده‌نگی ئه‌و ڕێکخراوانه‌ و ده‌شڵێت ئه‌و بێده‌نگیه‌ هێنده‌ی سوتاندنی په‌یکه‌ره‌که‌ و هێرشی سه‌ر گۆڕه‌که‌ی شێرکۆ بێکه‌س گران بووه‌ له‌سه‌ر دڵی.
زانیاری زیاتر له‌ ده‌قی وتووێژه‌که‌دایه‌:

XS
SM
MD
LG