Accessibility links

ئه‌مه‌ریکا و کۆریای باشوری ڕێـکه‌وتنی له‌شـکری نێوانیان نوێ ده‌که‌نه‌وه‌

  • VOA News

وڵاته‌ یه‌کگرتووه‌کانی ئه‌مه‌ریکا و کۆریای باشور ڕێـکه‌وتنـنامه‌یه‌کیان مۆرکردووه‌ بۆ دابینکردنی به‌ره‌یه‌کی به‌ره‌نگاربوونه‌وه‌ی به‌هێز دژ به‌ چه‌کی ناوکی کۆریای باکور.
چه‌ک هه‌یگڵی وه‌زیری به‌رگری ئه‌مه‌ریکا و هاوتا کۆریـیه‌که‌ی کیم کوان‌جین ڕۆژی چوارشه‌ممه‌ له‌ سیۆل ڕێـکه‌وتنێـکیان سه‌باره‌ت به‌ ئاسایش مۆرکرد له‌ میانه‌ی وتووێژی سـاڵانه‌یاندا.
هه‌یگڵ گوتی پـلانه‌که‌ جه‌خت ده‌کاته‌ سه‌ر نیگه‌رانی وڵاتان له‌مه‌ڕ پـرۆگرامه‌کانی چه‌کی ناوکی و بالسـتی و چه‌کی کیمیاوی کۆریای باکور، به‌ڵام ورده‌کاری سه‌باره‌ت به‌م ڕێـکه‌وتنه‌ بۆ درێژه‌پـێدان به‌ سـتراتیژیـیه‌تی به‌ره‌نگاربوونه‌وه‌ بڵاو نه‌کراوه‌ته‌وه‌ که‌ له‌ دوای چه‌ند مانگێـک هاتووه‌ له‌ زیابوونی گرژیی و ئاڵۆزی به‌هۆی سێـیه‌م تاقیکردنه‌وه‌ی ناوکی پـیۆنگیانگ له‌ مانگی دوودا.
پـێشـکه‌وتنی پـرۆگرامی چه‌کی ناوکی کۆریای باکور، ژماره‌یه‌ک سیاسه‌تمه‌دارانی کۆریای باشوری هاندا بۆ داواکردنی درێژه‌پـێدان به‌ کۆنترۆڵ و کۆماندارێتی ئه‌مه‌ریکا به‌سه‌ر هێزه‌کانی کۆریای باشور که‌ له‌ دوای شه‌ڕی هه‌ردوو کۆریاوه‌ هه‌یه‌. بڕیاره‌ ڕێـکه‌وتنه‌که‌ له‌ سـاڵی 2015 ته‌واو بـبێت.
XS
SM
MD
LG