Accessibility links

چه‌ک هه‌یگڵ ده‌ڵێت هێزه‌کانی ئه‌مه‌ریکا بۆ لێـدانی سوریا ئاماده‌یه‌

  • VOA News

وه‌زیری به‌رگری ئه‌مه‌ریکا چه‌ک هه‌یگڵ ڕۆژی سێشه‌ممه‌ گوتی هێزه‌کانی وڵاته‌که‌ی له‌ ئێستادا ئاماده‌ن بۆ لێـدانی سوریا، ئه‌گه‌ربێت و سه‌رۆک ئۆباما فه‌رمانیان پـێبدات.
هه‌یگڵ له‌ چاوپـێـکه‌وتنێـکدا له‌گه‌ڵ که‌ناڵی ته‌له‌فیزیۆنی BBC له‌ میانه‌ی سه‌ردانه‌که‌یدا بۆ وڵاتی برونای له‌ باشوری ڕۆژهه‌ڵاتی ئاسیا، گوتیشی هێزی ده‌ریایی ئه‌مه‌ریکا چوار که‌شـتی جه‌نگی له‌ ڕۆژهه‌ڵاتی ده‌ریایی ناوه‌ڕاسـتدا له‌ ناوچه‌یه‌کدا جێـگیرکردووه‌ که‌ ده‌توانن لێوه‌ی له‌ سوریا بده‌ن. له‌گه‌ڵ ئه‌وه‌دا فڕۆکه‌ی جه‌نگی ئه‌مه‌ریکایی له‌ ناوچه‌که‌دا هه‌ن.
هه‌روه‌ها هه‌یگڵ پـێشـبینی کرد ده‌زگای زانیاری ئه‌مه‌ریکا CIA به‌م زووانه‌ یه‌کلای بکاته‌وه‌ ئایا ئه‌و هێرشه‌ کوشنده‌یه‌ی هه‌فته‌ی ڕابردوو کرایه‌ سه‌ر ناوچه‌یه‌کی دیمه‌شق به‌ چه‌کی کیمیاوی حکومه‌تی به‌شـار ئه‌سه‌د بووه‌ یان نا.
هه‌یگڵ ئاماژه‌ به‌وه‌ش کرد سه‌رۆک ئۆباما داوای له‌ وه‌زاره‌تی به‌رگری ئه‌مه‌ریکا کردووه‌ بۆ هه‌موو ئه‌گه‌ره‌کان گشت بژاره‌کانی بخاته‌ به‌رده‌ست، وه‌ وه‌زاره‌تی به‌رگریش ئه‌رکه‌که‌ی جێبه‌جێکردووه‌.
XS
SM
MD
LG