Accessibility links

جان کورد: سووریا چی دی وه‌ك وڵاتێکی یه‌کگرتوو نه‌ماوه‌

  • Shwan Said

له‌ کاتێکدا هاوبه‌ندی ئۆپۆزسێۆنی سووریا سه‌رقاڵی کۆبوونه‌وه‌کانی ئستانبوڵه‌ بۆ ڕێکخستنه‌وه‌ی ڕیزه‌کانیان و هه‌ڵبژاردنی ڕابه‌رێکی نوێ، له‌ ناو خۆی سووریادا خه‌ڵکانی سیفیل که‌وتوونه‌ته‌ به‌ر شاڵاوی هێرشه‌ سه‌خته‌کانی هێزه‌کانی ئه‌سه‌د به‌ تایبه‌تی له‌ به‌ره‌کانی حومس و ده‌رعا.
نڤیسکاری سیاسی جان کورد ده‌ڵێت ئۆپۆزسێۆنی سووریا سێ بڕیاری گرنگیان له‌به‌ر ده‌مدایه‌، یه‌که‌م هه‌ڵبژاردنی ڕابه‌رێکی نوێ، دووهه‌م بڕیار له‌سه‌ر به‌شداریکردن له‌ کۆنگره‌ی چاوه‌ڕوانکراوی جنێف که‌ وڵاته‌ یه‌کگرتووه‌کانی ئه‌مریکاو ڕووسیا له‌سه‌ری ڕێكکه‌وتوون و سێهه‌م داوای هانای نێونه‌ته‌وه‌ی بۆ مه‌ینه‌تی خه‌ڵکانی سوریا.
به ‌گوێره‌ی هه‌ندێ چاودێر ئۆپۆزسێۆنی ده‌ره‌وه‌ی وڵات هێند پشتیوانیان له‌ ناوخۆی وڵاتدا نیـیه‌ و هه‌تا ئێستاش نه‌یانتوانیوه‌ ستراتیجیـیه‌تێکی کاریگه‌ر بگرنه‌به‌ر بۆ ڕووخاندنی ڕژێمی ئه‌سه‌د.
به‌ڕێز جان کورد ده‌شڵێت هه‌نووکه‌ ڕژێمی ئه‌سه‌د له‌ هه‌وڵی پێكهێنانی ده‌وڵه‌تێکی عه‌له‌ویدایه‌ به‌ پاڵپشتی ئێران و حزبوڵا.
XS
SM
MD
LG