حکومه‌تی سوریا بڕیاری سزای توندتر ده‌دات به‌سه‌ر هه‌ر که‌سێـک به‌ نایاسایی بچێته‌ وڵاته‌که‌یه‌وه‌

ئاژانسی ده‌نگ‌وباسی سـانای حکومه‌تی سوریا ده‌ڵێت به‌شـار ئه‌سه‌د ئه‌مڕۆ سێشه‌ممه‌ بڕیارێـکی ده‌رکردووه‌ که‌ تیایدا هاتووه‌ هه‌ر که‌سێـک به‌ شێوه‌یه‌کی نایاسایی خۆی بکات به‌ سوریا، ئه‌وا له‌ سـاڵێـکه‌وه‌ هه‌تا 5 سـاڵ زیندانی ده‌کرێت یان 50 هه‌تا 100 هه‌زار دۆلار بدات وه‌ک سـزای دارایی یانیش هه‌ردوو سـزاکه‌ پـێـکه‌وه‌.
ئه‌مه‌ش پـێده‌چێت هه‌وڵێـکی حکومه‌تی سوریا بێت بۆ ڕێگه‌گرتن له‌و ڕۆژنامه‌وانانه‌ی ده‌یانه‌وێت به‌ بێ وه‌رگرتنی مۆڵه‌ت خۆیان به‌ سوریادا بکه‌ن. هه‌روه‌ها ئه‌و بیانیانه‌شی خوازیارن کۆمه‌ک بگه‌یه‌نـنه‌ ناوچه‌کانی ژێر ده‌سه‌ڵاتی سه‌رهه‌ڵـداوان.