Accessibility links

شێوازێـکی نوێی ده‌ربڕینی ناڕه‌زایی تورکیا ده‌گرێته‌وه‌

  • VOA News

وه‌ستانی خه‌ڵـکی به‌بێ ده‌نگی له‌ مه‌یدانی ته‌قسیمی ئسته‌نبوڵ، چوارشه‌ممه‌ 18 ی شه‌شی 2013

وه‌ستانی خه‌ڵـکی به‌بێ ده‌نگی له‌ مه‌یدانی ته‌قسیمی ئسته‌نبوڵ، چوارشه‌ممه‌ 18 ی شه‌شی 2013

بوڵه‌ند ئارینج جێـگری سه‌رۆک وه‌زیری تورکیا ئه‌مڕۆ چوارشه‌ممه‌ ئاماژه‌یه‌کی دا بۆ ڕه‌زامه‌ندی خۆی له‌ به‌رامبه‌ر شێوه‌ی نوێی ده‌ربڕینی ناڕه‌زایی له‌ وڵاته‌که‌دا.
هه‌روه‌ها وه‌زیر ناوخۆی تورکیا موعه‌ممه‌ر گوله‌ر ئه‌ویش گوتویه‌تی به‌پـێی یاسای تورکیا ناڕه‌زایی بێ ده‌نگی هیچ سه‌رپـێچیـیه‌کی تیادا نیـیه‌، بۆیه‌ پـۆلیس ڕێگری لێ ناکات هه‌تا ئه‌و ده‌مه‌ی نه‌بێته‌ کۆسپ له‌ به‌رده‌م ژیانی ئاسایی ڕۆژانه‌ی خه‌ڵـکدا.
خۆپـیشـانده‌ران ئه‌مڕۆ له‌ ئسته‌نبوڵ و ئانکه‌ره‌ ته‌نها به‌ بێ ده‌نگی وه‌سـتابوون بۆ ده‌ربڕینی ناڕه‌زایی خۆیان و هێزه‌کانی پـۆلیسیش له‌ به‌رامبه‌ردا هیچ کاردانه‌وه‌یه‌کیان نه‌بووه‌.
جێی ئاماژه‌یه‌ دوێنێ سێشه‌ممه‌ که‌سێـک بۆ ماوه‌ی 8 کاژمێر له‌ مه‌یدانی ته‌قسیم به‌بێ ده‌نگی وه‌سـتابوو و هێزه‌کانی پـۆلیسیش هیچیان له‌ به‌رامبه‌ریدا نه‌کرد، ئه‌م هه‌واڵه‌ش بووه‌ باسی سه‌ر تۆڕه‌کانی په‌یوه‌ندی کۆمه‌ڵایه‌تی له‌ تورکیا.
XS
SM
MD
LG