Accessibility links

کۆپـته‌رێـکی سوریا شـارۆچکه‌یه‌کی لوبنان بۆردومان ده‌کات و له‌شـکری لوبنان هه‌ڕه‌شه‌ ده‌کات

  • VOA News

فڕۆکه‌یه‌کی کۆپـته‌ری له‌شکری سوریا ئه‌مڕۆ چوارشه‌ممه‌ سێ موشه‌کی گرتووه‌ته‌ شـارۆچکه‌یه‌کی لوبنان له‌سه‌ر سنوور که‌ زۆربه‌ی دانیشـتوانه‌که‌ی سووننه‌ن، یه‌کێـک له‌ موشه‌که‌کان به‌ر ناوه‌ندی شـارۆچکه‌که‌ که‌وتووه‌.
سه‌رچاوه‌یه‌کی ئاسایشی لوبنان هه‌واڵه‌که‌ی ڕاگه‌یاند و گوتی ئه‌مڕۆ ئه‌و هێرشه‌ کراوه‌ته‌ سه‌ر شـارۆچکه‌ی عرسـال و بووه‌ته‌ مایه‌ی برینداربوونی خه‌ڵـکی، به‌ڵام ژماره‌که‌ی ڕانه‌گه‌یاند.
له‌شـکری لوبنانیش لای خۆیه‌وه‌ به‌یانـنامه‌یه‌کی له‌م باره‌یه‌وه‌ بڵاوکرده‌وه‌ و تیایدا هه‌ڕه‌شه‌ی وه‌ڵامدانه‌وه‌ی کردووه‌ ئه‌گه‌ربێت و هه‌ر پـێشـێلـکاریـیه‌کی نوێ له‌ لایه‌ن سوریاوه‌ بکرێته‌وه‌ سه‌ر وڵاته‌که‌ی.
ڕۆژی سێشه‌ممه‌ش 9 موشه‌کی جۆری گراد له‌ سوریاوه‌ گیراوه‌ته‌ شـاری هه‌رملی سه‌ر سنووری ڕۆژهه‌ڵاتی لوبنان و له‌ ئاکامدا به‌ لایه‌نی که‌م که‌سێـک برینداربووه‌.
XS
SM
MD
LG