Accessibility links

ئه‌مه‌ریکا ئاماده‌کاری ده‌کات بۆ شیانی هه‌ڵدانی هه‌ر موشه‌کێـک له‌ لایه‌ن کۆریای باکوره‌وه‌

  • VOA News

وڵاته‌ یه‌کگرتووه‌کانی ئه‌مه‌ریکا پـێشـبینی ده‌کات کۆریای باکور یه‌ک له‌ موشه‌که‌کانی له‌ چه‌ند ڕۆژی داهاتوودا هه‌ڵبدات.
کاربه‌ده‌سـتانی وه‌زاره‌تی به‌رگری ئه‌مه‌ریکا به‌ ده‌نگی ئه‌مه‌ریکایان گوت زانیاریه‌ سیخوڕیـیه‌کانی چه‌ند هه‌فته‌ی ڕابردوو ئاماژه‌ به‌وه‌ ده‌که‌ن پـیۆنگیانگ به‌ ڕاستیـیه‌تی له‌ هه‌ندێـک ئه‌و هه‌ڕه‌شانه‌ی له‌ دژی سیۆل و واشنتن ده‌یکات.
پـێشـتر کاربه‌ده‌سـتانی کۆریای باشور پـشـتڕاستیان کرده‌وه‌ که‌وا کۆریای باکور موشه‌کێـکی بۆ که‌ناره‌کانی ڕۆژهه‌ڵاتی وڵاته‌که‌ی گواستووه‌ته‌وه‌.
ده‌شڵێن له‌وه‌ ده‌چێت موشه‌کی جۆری Musudan بێت که‌ هه‌روه‌ها به‌ BM-25 ناوده‌برێت. ئه‌م موشه‌که‌ درێژیـیه‌که‌ی 12 مه‌تره‌ و ئه‌ستوریـیه‌که‌ی 1.5 مه‌تره‌ و کێشه‌که‌ی 12 تۆنه‌ و ده‌توانێت 1200 کیلۆگرام ته‌قه‌مه‌نی بۆ مه‌ودای نزیکه‌ی 3 هه‌زار کیلۆمه‌تر هه‌ڵبگرێت.
XS
SM
MD
LG