Accessibility links

له‌ ئاکامی ته‌قینه‌وه‌ی ئۆتۆمبیلێـکی بۆمبڕێژکراو له‌ جه‌له‌ولا 2 که‌س ده‌کوژرێن

  • VOA News

ئه‌مڕۆ یه‌کشه‌ممه‌ له‌ شـارۆچکه‌ی جه‌له‌ولای سه‌ر به‌ پارێزگای دیاله‌ی عێراق ئۆتۆمبیلێـکی بۆمبڕێژکراو له‌ نزیک باره‌گایه‌کی یه‌کێتی نیشـتیمانی کوردسـتان ته‌قیوه‌ته‌وه‌ و له‌ ئاکامدا 2 که‌س کوژراون و 13 که‌سیش برینداربوون.
ئه‌م هێرشه‌ له‌ کاتێـکدا دێت که‌ گرژی و ئاۆزیـیه‌کانی نێوان به‌غدا و هه‌رێمی کوردسـتان له‌ په‌ره‌سه‌ندندایه‌.
ڕۆژی هه‌ینی مه‌سعود بارزانی سه‌رۆکی هه‌رێمی کوردسـتان فه‌رمانی دا ده‌سته‌واژه‌ی "ناوچه‌ کوردسـتانیـیه‌کانی ده‌ره‌وه‌ی ئیداره‌ی هه‌رێم" به‌کاربهێنرێت بۆ ئه‌و ناوچانه‌ی له‌گه‌ڵ حکومه‌تی ناوه‌ندی ناکۆکیـیان له‌سه‌ره‌، ئه‌مه‌ش ناڕه‌زایی نوری ئه‌لمالیکی سه‌رۆک وه‌زیری عێراقی لێـکه‌وته‌وه‌ و به‌ پـێشـێـلکردنی گه‌وره‌ی ده‌سـتوری وڵاته‌که‌ی ناوبرد.
XS
SM
MD
LG