Accessibility links

له‌ لوبنان 5 که‌سی سوریایی به‌ ته‌قه‌مه‌نیـیه‌وه‌ ده‌سـتگیرده‌کرێن

  • VOA News

هێزێـکه‌کانی له‌شـکری لوبنان 5 که‌سی سوریایـیان به‌ بڕێـک ته‌قه‌مه‌نیـیه‌وه‌ له‌ ئه‌پارتمانتێـکدا له‌ شـاری نه‌به‌تیـیه‌ی باشوری وڵاته‌که‌ ده‌سـتگیرکرد.
له‌شـکری لوبنان ئه‌مڕۆ شه‌ممه‌ له‌ ڕاگه‌یاندنێـکدا ئه‌مه‌ی ڕاگه‌یاند و گوتی پاش هه‌بوونی زانیاری له‌ باره‌ی گومان له‌ جموجۆڵی چه‌ند که‌سێـکه‌وه‌، هێزێـکی سه‌ر به‌ به‌ڕێوه‌به‌رایه‌تی هه‌واڵگری هه‌ڵیکوتایه‌ سه‌ر ماڵه‌که‌یان و ده‌سـتگیری کردن.
هه‌ندێـک له‌ ده‌زگاکانی ڕاگه‌یاندنی ناو لوبنان ده‌ڵێن گومانباره‌کان نیازیان هه‌بووه‌ له‌ میانه‌ی مه‌راسیمه‌کانی عاشورادا که‌ ڕێـکه‌وتی ڕۆژی یه‌کشه‌ممه‌ ده‌کات، ته‌قینه‌وه‌ ئه‌نجام بده‌ن، به‌ڵام کاربه‌ده‌سـتێـکی له‌شـکری ڕه‌تی کرده‌وه‌ له‌و باره‌یه‌وه‌ لێـدوان بدات و گوتی چاوه‌ڕێی ئه‌نجامی لێـکۆڵینه‌وه‌کان ده‌که‌ن.
XS
SM
MD
LG