Accessibility links

سه‌رۆکی شـاره‌وانی نیویۆرک پـشـتیوانی له‌ سه‌رۆک ئۆباما ده‌کات

  • VOA News

سه‌رۆکی شـارۆانی نیویۆرک مایکڵ بلومبێرگ پـشـتیوانی خۆی بۆ سه‌رۆک ئۆباما ڕاگه‌یاند، له‌ هه‌ڵمه‌ته‌کانی هه‌ڵبژاردنی سه‌رۆکایه‌تیدا. ده‌ڵێت هه‌وڵه‌کانی بۆ نه‌هێشـتنی ڕوودانی گوڕانکاری به‌سه‌ر ژینگه‌دا گرنگتره‌ له‌و ڕه‌خنانه‌ی له‌سه‌ر ئابوری لێـیده‌گیرێن.
شایه‌نی باسه‌ مایکڵ بلومبێرگ وه‌ک کۆماریـیه‌ک بووه‌ به‌ سه‌رۆکی شـاره‌وانی نیویۆرک، به‌ڵام پاشـان جیابووه‌ته‌وه‌. له‌ سـاڵی 2008 پـشـتیوانی هیچ کاندیدێـکی نه‌کرد، له‌ کاتێـکدا له‌ سـاڵی 2004 لایه‌نگری جۆرج بوش بوو.
بلومبێرگ ده‌ڵێت کاردانه‌وه‌ی سه‌رۆک ئۆباما له‌ به‌رامبه‌ر زریانی ساندی وه‌های لێـکردووه‌ پشـتیوانی لێ بکات. زریانی ساندی‌ به‌شێـکی زۆری مانهاتنی خواروی نوقمی ئاوی لافاوکرد و بووه‌ مایه‌ی کوژرانی 40 که‌س له‌ نیویۆرک.
بلومبێرگ گوتیشی سه‌رۆک ئۆباما له‌ ماوه‌ی چوار سـاڵی ڕابردوو هه‌نگاوی گه‌وره‌ی ناوه‌ بۆ که‌مکردنه‌وه‌ی دووه‌م ئۆکسیدی کاربۆن له‌ ژینگه‌دا، ئه‌وه‌ش به‌ دانانی پـێوانه‌ی توند بۆ سووته‌مه‌نی و به‌کارهێنانی ماشێنه‌کان.
ئه‌م هه‌ڵوێسته‌ی بلومبێرگ جـیگه‌ی سه‌رسوڕمان بوو، له‌ کاتێـکدا ته‌نها چوار ڕۆژ بۆ ده‌نگدانه‌که‌ ماوه‌.
XS
SM
MD
LG