Accessibility links

مالیکی: هیچ پارێزگایه‌ک یان هه‌رێم بۆی نیـیه‌ ناڕه‌زایی له‌سه‌ر جموجۆڵه‌کانی له‌شکر ده‌ربـبڕێت

  • VOA News

سه‌رۆک وه‌زیری عێراق ده‌ڵێت پـێـکهێنانی هێزه‌ له‌شـکریـیه‌کان و جموجۆڵیان ده‌بێت به‌سه‌ر هه‌موو بستێـک له‌ خاکی عێراقدا ئازادبێت و هیچ پارێزگایه‌ک یان هه‌رێم بۆی نیـیه‌ ناڕه‌زایی له‌سه‌ر ده‌رببڕێت.
نوری ئه‌لمالیکی ئه‌مه‌ی له‌ وه‌ڵامی بۆ پـرسیاری ڕۆژنامه‌وانان له‌سه‌ر ماڵپه‌ڕی فه‌رمی خۆی بڵاوکردۆته‌وه‌. ده‌شڵێت مه‌سه‌له‌ی ئاسایشی کاری فه‌رمانده‌ی هێزه‌ چه‌کداره‌کانه‌ (واته‌ خۆی) له‌گه‌ڵ وزیرانی به‌رپـرس له‌ مه‌سه‌له‌ی ئاسایشی.
پاشـان سه‌رۆک وه‌زیری عێراق ده‌ڵێت دجله‌ فه‌رمانده‌یـیه‌کی ئۆپه‌راسیۆنی له‌شـکریـیه‌ و هێزێـکی نوێ نیـیه‌ وه‌ک باسی لێ ده‌کرێت و هه‌روه‌ها هیچ پـێـکهاته‌یه‌ک یان پارێزگایه‌ک یاخود نه‌ته‌وه‌یه‌ک ئامانجی نیـیه‌.
مالیکی هه‌روه‌ها ڕه‌تیکرده‌وه‌ که‌ سه‌رکردایه‌تی دجله‌ که‌سـانی به‌عسی تێدابێت و گوتی ئه‌و جێـگه‌ی مه‌خابنه‌ و ده‌زانین ئه‌و تۆمه‌تانه‌ به‌ چ مه‌به‌سـتێـک ده‌کرێن. دواتر گوتی هێزه‌کانی پاسه‌وانانی هه‌رێم له‌ ناوچه‌ جێ ناکۆکه‌کاندا جموجۆڵ ده‌که‌ن که‌ هه‌رچه‌نده‌ ئه‌وه‌ پـێشێلێـیه‌کی یاسایی و ده‌سـتوریـیه‌.
XS
SM
MD
LG