Accessibility links

له‌ سـاڵیادی کۆتایی‌هێنان به‌ جه‌نگی عێراق سه‌رۆک ئۆباما سـتایشی له‌شکری ئه‌مه‌ریکا ده‌کات

  • VOA News

له‌ دووه‌م سـاڵیادی کۆتایی هێنان به‌ ڕۆڵی جه‌نگی ئه‌مه‌ریکا له‌ عێراق، دوێنێ هه‌ینی له‌ میانه‌ی سه‌ردانیدا بۆ بنکه‌ی له‌شـکری فۆرت بڵس له‌ سـتانی ته‌کساس و هه‌روه‌ها له‌ وتاری هه‌فتانه‌ی سه‌رۆکاتیدا ئه‌مڕۆدا‌، سه‌رۆکی وڵاته‌ یه‌کگرتووه‌کانی ئه‌مه‌ریکا سـتایشی له‌شـکری وڵاته‌که‌ی کرد.
سه‌رۆک ئۆباما سوپاسی له‌شکری کرد که‌ توانیبوویان به‌هۆی ئه‌و لێهاتوویه‌ و قاره‌مانێتیـیه‌ی هه‌یانه‌ له‌ ماوه‌ی که‌متر له‌ مانگێـکدا ڕژێمی سه‌دام حسێن دیکتاتۆری پـێشـووی عێراق بڕووخێنن.
هه‌روه‌ها بێزانینی خۆی بۆ ده‌ربڕین له‌ به‌رامبه‌ر ئه‌و ڕۆڵه‌ی بینیبوویان له‌ شه‌ڕی کۆمه‌ڵه‌ چه‌کداره‌کان له‌و وڵاته‌ و هه‌روه‌ها ڕێگه‌گرتنیان له‌ خزانی عێراق بۆ نێو شه‌ڕی ناوخۆ و پاشـان مه‌شقپـێکردنی هێزه‌ ئاسایشیـیه‌کانی عێراق.
سه‌رۆک ئۆباما باسی له‌ ده‌سـتکردن به‌ کشانه‌وه‌ی هێزه‌کانی ئه‌مه‌ریکا له‌ ئه‌فغانسـتانیش کرد.
جێی ئاماژه‌یه‌ له‌ 31 ی هه‌شتی 2010 سه‌رۆک ئۆباما به‌ فه‌رمی کۆتایی‌هاتنی ڕۆڵی جه‌نگی وڵاته‌که‌ی له‌ عێراق ڕاگه‌یاند.
XS
SM
MD
LG