https://www.dengiamerika.com Voice of America is an international news and broadcast organization serving Central and Eastern Europe, the Caucasus, Central Asia, Russia, the Middle East and Balkan countries https://www.dengiamerika.com/Content/responsive/VOA/ku-CKB/img/logo.png https://www.dengiamerika.com ku 2026 - VOA 60 Sun, 08 Mar 2026 16:15:33 +0300 Pangea CMS – VOA سوپای ئیسرائیل ڕایگەیاند هێزی ئاسمانی وڵاتەکەی، لە ماوەی 24 کاتژمێری ڕابردوودا شەپۆلێکی بەرفراوانی هێرشەکانی ڕۆژئاوا و ناوەڕاستی ئێرانی کۆتایی پێهێناوە و لەو ماوەیەدا زیاتر لە 400 ئامانج هێرشیان کراوەتە سەر. بەگوێرەی ڕاپۆرتەکە ئەو ئامانجانەی کە هێزی ئاسمانی ئیسرائیل لە 24 کاتژمێری ڕابردوودا هێرشی کردووەتە سەر، بریتی بوون لە ئامێری هەڵدانی مووشەکی بالیستیکی و شوێنەکانی بەرهەمهێنانی چەک. ئیسرائیل دەڵێت لە سەرەتای دەستپێکردنی ئۆپەراسیۆنی نەڕەی شێر کە بە هەماهەنگی لەگەڵ ئۆپەراسیۆنی تووڕەیی ئەفسانەیی ئەمەریکا لە ئێران بەڕێوەدەچێت، هێزی ئاسمانی ئەو وڵاتە سەدان هێرشی لە دژی کەشتی جەنگی، سیستەمی بەرگری، کۆگای چەک و ژێرخانی دیکەی کۆماری ئیسلامی ئەنجامداوە. هاوکات سوپای پاسداران زیادبوونی هێرشەکانی بۆ سەر ئیسرائیل ڕاگەیاندووە و بانگەشەی ئەوە دەکات بنکەی ئاسمانی لە ئوردن کردووەتە ئامانج و کۆمەڵیک بنکەشی لە ئیسرائیل بە مووشەکی کردووەتە ئامانج. تا ئێستا هیچ هەواڵێکی متمانەپێکراو کە ئاماژە بە زیانگەیاندن بەم پێگانە بکات لەلایەن سەرچاوە فەرمییەکانەوە بڵاونەکراوەتەوە. هەروەها سوپای کۆماری ئیسلامی بانگەشەی ئەوەی کردووە کە ناوچەکانی وەک حەیفا، تەلئەڤیڤ و ناوەند و بنکەکانی ئەمەریکا لە کوەیت لەلایەن فڕۆکە بێفڕۆکەوانەکانی هێزە ئاسمانی و دەریاییەکانی وڵاتەکەیەوە کراوەتە ئامانج. https://www.dengiamerika.com/a/8122592.html https://www.dengiamerika.com/a/8122592.html Sun, 08 Mar 2026 15:41:17 +0300 ئێرانسه‌ره‌کیئه‌مه‌ریکا سوپای ئیسرائیل ڕۆژی یەکشەممە لە پەیامێکدا لە کەناڵی ئێکس ڕایگەیاند ڕۆژی شەممە فڕۆکە جەنگییەکانی ئێف 14ی ئێرانی لە فڕۆکەخانەی ئەسفەهان کردووەتە ئامانج. هەروەها لە پەیامەکەدا هاتووە سیستەمی ناسینەوە و بەرگریی ئێران کە هەڕەشە بووە بۆ سەر فڕۆکەکانی هێزی ئاسمانی ئیسرائیل، هێرشیان کراوەتە سەر. لە ساڵانی حەفتاکانی سەدەی ڕابردوودا کە ئێران هاوپەیمانی ئەمەریکا بوو، 80 فڕۆکەی ئێف 14 لە ئەمەریکا کڕدراون کە 79 فڕۆکەیان ڕادەستی ئێران کران. ئەمجۆرە فڕۆکانە لە ئەمەریکا لە ساڵی 2006ەوە لەکار لادران و چیدیکە کاریان پێناکرێت. هەروەها سوپای ئیسرائیل ڕۆژی شەممە ڕایگەیاند کە 16فڕۆکەی هێزی قودسی سوپای پاسدارانی لە فڕۆکەخانەی مێهرئابادی تاران لەناوبردووە کە چەکیان دەگەیاندە حزبوڵا. https://www.dengiamerika.com/a/8122587.html https://www.dengiamerika.com/a/8122587.html Sun, 08 Mar 2026 15:31:55 +0300 ئێرانسه‌ره‌کیئه‌مه‌ریکا مەسعود بارزانی، سەرۆکی پێشووی هەرێمی کوردستان لە پەیامێکدا باس لە ڕووداوەکانی ئەم دواییانە و هێرشەکان بۆ سەر هەرێمی کوردستان دەکات جەخت لەوە دەکاتەوە کە هەرێمی کوردستان هەمیشە هەوڵی داوە کێشەکان بە ئاشتیانە چارەسەر بکرێت. بارزانی کە سەرۆکی پارتی دیموکراتی کوردستانیشە، لە پەیامەکەی ڕۆژی شەممەیدا تیشک دەخاتە سەر فەرهەندی ئاشتیخوازی و پێکەوەژیانی گەلی کورد و دەڵێت هیچ کات لەگەڵ شەڕدا نەبوون تەنها بەرگریان لە خۆیان و مافەکانیان کردووە. هاوکاتی گرژی و ئاڵۆزییەکان لە ناوچەکەدا و بەئامانج گرتنی هەرێمی کوردستان لەلایەن ئێران و بەکرێگیراوەکانی لە ناوچەکە، بارزانی دەڵێت "ئێستا و پێشتریش هەردەم هیوامان ئەوە بووە كە هەرچی گرفت و كێشە هەیە لە ڕێگەی ئاشتیانەوە چارەسەر بكرێت، چونكە هەمیشە شەڕ مایەی كاولكاری و ماڵوێرانییه‌." لەگەڵ ئەمەشدا پێی وایە "جێگەی سەرسوڕمانێكی زۆرە هەندێ گرووپ و لایەن لەژێر ناوی موقاوەمە و بە بیانوو و دروشمی بێ بنەما؛ ڕێگە بە خۆیان دەدەن پەلاماری شوێنی سڤیل و ژێرخانی ئابووریی هەرێمی كوردستان و بنكە و بارەگاكانی پێشمەرگە دەدەن. ئەمە شەڕفرۆشتن و دەستدرێژییەكی ئاشكرایە بۆ سەر مافی هاووڵاتیان و سەقامگیری و ئاسایشی هەرێمی کوردستان." هۆشداریش دەدات " پێشمەرگە هەرگیز زوڵم و زۆری لە هیچ لایەنێك قبووڵ نەكردووە، ناكرێ و نابێ ئەو شەڕفرۆشتنە و تێكدانی سەقامگیریی هەرێمی کوردستان و ئاسایشی هاووڵاتیان لەلایەن ئەو گرووپانەوه‌ بەردەوام بێت." داواش لە لە حكومەت و ئەنجوومەنی نوێنەرانی عێراق و لایەنە سیاسییەکان "بە تایبەت چوارچێوەی هەماهەنگی" دەکات هەوڵێکی ڕاستەقینە بدەن بۆ دانانی سنوورێک بۆ ئەو هێرشانە." ڕۆژی 28 ی مانگی دوو ئۆپەراسیۆنەکانی ئەمەریکا و ئیسرائیل دژ بە ڕژێمی ئێران دەستیپێکرد بە مەبەستی ڕێگری کردن لە ڕەفتارە شەڕانگێزەکانی ئێران لە ناوچەکە و سنووردارکردنی تواناکانی بۆ دەستڕاگەیشتن بە ئەتۆمی و بەرنامەی مووشەکی. لە ئەنجامی ئەم ئۆپەراسیۆنە بەشێکی زۆر لە سەرکردە باڵاکانی ئێران کوژران بە ڕێبەری باڵای وڵاتەکە ئایەتوڵا عەلی خامنەییشەوە. سوپای ئەمەریکاش ڕایگەیاند، هێزی دەریایی ئێران لە ناو براوە. ئێران و گرووپە بەکرێگیراوەکانیشی لە بەرامبەردا سەدان هێرشی مووشەکی و فڕۆکەی بێفڕۆکەوانیان کردووەتە سەر وڵاتانی ناوچەکە لە ناویاندا هەرێمی کوردستانیش. شەوی شەممە لە ئەنجامی ئەو هێرشانە سێ کەس گیانیان لەدەستدا. https://www.dengiamerika.com/a/8122591.html https://www.dengiamerika.com/a/8122591.html Sun, 08 Mar 2026 15:29:53 +0300 هه‌رێمه‌ کوردیـیه‌کانسه‌ره‌کیئێران لەبارەی ئەگەری بەشداری کورد لەو شەڕەدا پرسیاری لێکرا و ئەویش لە وەلامدا وتی، "نامەوێت ببینم لەم شەڕەدا کورد پێوەبێت یان بکوژرێت." https://www.dengiamerika.com/a/8122575.html https://www.dengiamerika.com/a/8122575.html Sun, 08 Mar 2026 07:19:52 +0300 هەرێمە کوردیـیەکانڤیدیۆئێران دۆناڵد ترامپ، سەرۆکی ئەمەریکا، ڕایدەگەیەنێت نایەوێت کورد بچێتە نێو ئێران بۆ بەشداری لە شەڕی دژ بە ڕژێمی ئێران. سەرۆک ترامپ پاشنیوەڕۆی ڕۆژی شەممە لە کاتی چوونی بۆ بنکەی هێزی ئاسمانی دۆڤەر بە ڕۆژنامەوانانی گوت نایەوێت کوردەکان بەشدار بن لە شەڕی دژ بە ڕژێمی ئێران، هەرچەندە ئاماژەی بەوە کرد کە کوردەکان ئامادەیی خۆیان نیشان داوە بۆ بەشداریکردن لە شەڕی دژ بە ڕژێم. ترامپ بە پەیامنێرانی گوت "هەر وەک دەزانن پەیوەندییەکی دۆستانەمان لەگەڵ کوردا هەیە بەڵام نامانەوێت شەڕەکە لەوە زیاتر ئاڵۆز بکەین کە خۆی لە خۆیدا ئاڵۆزە" سەرۆکی ئەمەریکا گوتیشی " نامەوێت 'کوردەکان' بچنە ناو ئێران چونکە نامەوێت ئازار بچێژن، زیانیان بەر بکەوێت و بکوژرێن." https://www.dengiamerika.com/a/8122427.html https://www.dengiamerika.com/a/8122427.html Sun, 08 Mar 2026 01:34:45 +0300 ئه‌مه‌ریکاسه‌ره‌کیسوریا بەپێی سەرچاوە سەرەتاییەکان ڕژێمی ئێران و گرووپە بەکرێگیراوەکانی شەوی یەکشەممە هێرشیان کردە سەر هێزەکانی حەفتای پێشمەرگە لە سلێمانی و هێرشەکە لەلایەن پێشمەرگەکانەوە بەرپەرچ دراوەتەوە. هەروەها هێرش کراوەتە سەر زڕگوێز کە بارەگای حزی کۆمەڵەی شۆڕشگێڕانی کوردستانی لێیە و بەوهۆیەوە پێشمەرگەیەک گیانی لەدەستداوە. هاوکات بەپێی زانیارییەکان هێرش کراوەتە سەر بەشی پشتەوەی هۆتێل تایتانیک لەسەر شەقامی شەست مەتری سلێمانی کە بارەگای نەتەوە یەکگرتووەکانی لێییە. ئەمەش لە کاتێکدایە کە مەسعود پزیشکیان سەرۆک کۆماری ئێران داوای لێبوردنێکی نائاسایی گشتی لە وڵاتانی دراوسێی کرد کە بەهۆی کردەوەکانی ئێرانەوە لە کاتی پەرەسەندنی ململانێکان کاریگەرییان لەسەر بووە. ئاماژەی بەوەشکرد، ئەنجومەنی سەرکردایەتی کاتی ئێران ڕەزامەندی دەربڕیوە لەسەر ڕاگرتنی هێرشەکان بۆ سەر دەوڵەتانی نزیک، مەگەر لە خاکی وڵاتەکەیانەوە هێرش بکرێتە سەر ئیران. ڕۆژی 28 ی مانگی دوو ئۆپەراسیۆنەکانی ئەمەریکا و ئیسرائیل دژ بە ڕژێمی ئێران دەستیپێکرد بە مەبەستی ڕێگری کردن لە ڕەفتارە شەڕانگێزەکانی ئێران لە ناوچەکە و سنووردارکردنی تواناکانی بۆ دەستڕاگەیشتن بە ئەتۆمی و بەرنامەی مووشەکی. لە ئەنجامی ئەم ئۆپەراسیۆنە بەشێکی زۆر لە سەرکردە باڵاکانی ئێران کوژران بە ڕێبەری باڵای وڵاتەکە ئایەتوڵا عەلی خامنەییشەوە. سوپای ئەمەریکاش ڕایگەیاند، هێزی دەریایی ئێران لە ناو براوە. ئێران و گرووپە بەکرێگیراوەکانیشی لە بەرامبەردا سەدان هێرشی مووشەکی و فڕۆکەی بێفڕۆکەوانیان کردووەتە سەر وڵاتانی ناوچەکە. سەرکردەکانی ناوچەکە هێشتا نیگەرانن لەوەی کە ئەگەر هەوڵە دیپلۆماسییەکان نەتوانن قەیرانەکە کۆنتڕۆڵ بکەن، شەڕەکە زیاتر لە سەرانسەری ڕۆژهەڵاتی ناوەڕاستدا بڵاوبێتەوە. https://www.dengiamerika.com/a/8122422.html https://www.dengiamerika.com/a/8122422.html Sun, 08 Mar 2026 01:04:48 +0300 هه‌رێمه‌ کوردیـیه‌کانسه‌ره‌کی سەرەڕای دۆخی هەستیاری عێراق لە نێو ململانێ سیاسیە ناوخۆییەکاندا، بەڵام کاریگەری شەڕەکە ڕاستەوخۆ گەیشتە ناوخۆی عێراقیش، گروپە میلیشیاکانی عێراق، لە هەوڵدان عێراق پەلکێشی شەڕەکە بکەن و هێرشەکانیان بۆسەر ناوەندە سیاسی و ئابورییەکانی ئەمەریکا لە بەغداد دەستپێکردووە https://www.dengiamerika.com/a/8122419.html https://www.dengiamerika.com/a/8122419.html Sun, 08 Mar 2026 00:12:17 +0300 ئێرانڤیدیۆعێراق ئیسرائیل ڕۆژی شەممە هۆشدارییدا بە لوبنان کە ئەگەر کۆنترۆڵکردنی تاقمی تیرۆریستیی حزبوڵڵای لوبنانی نەکات ئەوا “نرخێکی قورس”. دەدات. ئەم هەنگاوە لە کاتێکدایە کە هێرشە ئاسمانییەکانی ئیسرائیل بنکە و پێگەکانی حزبوڵایان لە سەرانسەری وڵات کردە ئامانج. لوبنان ڕووبەڕووی هێرشی بەرفراوانتر بوویەوە، دوای ئەوەی ڕۆژی دووشەممەی ڕابردوو حزبوڵڵای لوبنان کە لەلایەن ئێرانەوە پاڵپشتی دەکرێت، هێرشیان کردە سەر ئیسرائیل. سوپای ئیسرائیلیش بە هەڵمەتێکی سەربازی وەڵامی دایەوە. کاربەدەستانی لوبنان دەڵێن لە هێرشەکاندا نزیکەی 300 کەس کوژراون و هەزاران هاووڵاتی سڤیلیش ئاوارەبوون. ئیسرائیل کاتز، وەزیری بەرگری ئیسرائیل لە بەیاننامەیەکدا بە جۆزێف عەون، سەرۆکی لوبنانی ڕاگەیاندووە، ئەگەر حکومەتی لوبنان نەتوانێت ڕێککەوتنی ساڵی 2024 بۆ چەکداماڵینی حزبوڵڵا جێبەجێ بکات، ئەوا خۆی و هەموو وڵاتەکە زیانیان پێدەگات. کاتز ئاماژەی بەوەشکرد، ئیسرائیل هیچ نیازێکی نییە خاکی لوبنان کۆنترۆڵ بکات، بەڵام ڕێگە نادات کە هێرش لە ناو لوبنانەوە بکرێتە سەر ئیسرائیل. ئەمەش لە کاتێکدایە کە ئۆپەراسیۆنە سەربازییەکانی ئەمەریکا و ئیسرائیل لە دژی ڕژێمی ئێران پێ دەنێنە هەفتەی دووهەمەوە. https://www.dengiamerika.com/a/8122411.html https://www.dengiamerika.com/a/8122411.html Sat, 07 Mar 2026 23:24:03 +0300 ئه‌مه‌ریکاسه‌ره‌کیجیهانئێران voadigital@voanews.com (VOA News) ئیمانوێل ماکرۆن، سەرۆکی فەرەنسا ئەمڕۆ شەممە لە تۆڕی کۆمەڵایەتی ئێکس بە زمانی کوردی پۆستێکی لەسەر پەیوەندییە تەلەفۆنییەکەی لەگەڵ سەرۆکی هەرێمی کوردستان نێچیرڤان بارزانی بڵاو کردووەتەوە. ماکرۆن لە پەیامەکەیدا جەختی لە پابەندبوونی فەرەنسا بۆ سەقامگیری و ئاسایشی عێراق هەرێمی کوردسستان کردووەتەو و دەڵێت لەگەڵ سەرۆک بارزانیدا " هاوڕابووین لە بەردەوامیدان بە هەوڵەکانمان بۆ رێگریکردن لە پەرەسەندنی ململانێی ناوچەکە. بۆ ئەم مەبەستەش، سوپاسی بەرێزیان-م کرد بۆ پابەندیان بەو ئاراستەیە." پێشتریش سەرۆکایەتی هەرێم لە ڕاگەیاندراوێکدا باسی لە پەیوەندییە تەلەفۆنیەکەی ئەمڕۆی نێوان ماکرۆن و بارزانی کرد سەبارەت بە دۆخی ناوچەکە و لێکەوتەکانی شەڕ. سەرۆکایەتی هەرێم ڕایگەیاند "هەردوولا نیگەرانیی قووڵی خۆیان بەرامبەر بە مەترسییەکانی پەرەسەندنی گرژییەکان دەربڕی و هاوڕا بوون لەسەر پێویستیی چڕکردنەوەی هەوڵە نێودەوڵەتییەکان بۆ ڕێگری لە فراوانبوونی زیاتری بازنەی ململانێکان، بە شێوەیەک کە ئاشتی و ئاسایش بۆ گەلانی ناوچەکە بگەڕێتەوە." ئەم گفتوگۆیە لە کاتێکدایە لەوەتای ئۆپەراسیۆنی ئەمەریکا و ئیسرائیل دژ بە ڕژێمی ئێران دەستی پێکردووە ئێران هێرشی مووشەک و فڕۆکە بێفڕۆکەوانەکانی بۆ سەر وڵاتانی ناوچەکە چڕکردووەتەوە، لە ناویاندا هەرێمی کوردستانیش. ڕۆژی 28 ی مانگی دوو ئۆپەراسیۆنەکانی ئەمەریکا و ئیسرائیل دژ بە ڕژێمی ئێران دەستیپێکرد بە مەبەستی ڕێگری کردن لە ڕەفتارە شەڕانگێزەکانی ئێران لە ناوچەکە و سنووردارکردنی تواناکانی بۆ دەستڕاگەیشتن بە ئەتۆمی و بەرنامەی مووشەکی. لە ئەنجامی ئەم ئۆپەراسیۆنە بەشێکی زۆر لە سەرکردە باڵاکانی ئێران کوژران بە ڕێبەری باڵای وڵاتەکە ئایەتوڵا عەلی خامنەییشەوە. سوپای ئەمەریکاش ڕایگەیاند، هێزی دەریایی ئێران لە ناو براوە. https://www.dengiamerika.com/a/8122410.html https://www.dengiamerika.com/a/8122410.html Sat, 07 Mar 2026 23:09:29 +0300 هه‌رێمه‌ کوردیـیه‌کانسه‌ره‌کیئێرانڕۆژهه‌ڵاتی ناوه‌ڕاست ژمارەیەکی بەرچاو لە کورد و پێکهاتەکانی دیکەی ئێران لە دەڤەری واشنتن و ڤێرجینیا، لە بەردەم کۆنگرێسی ئەمەریکا گردبوونەوە لە دژی ڕژێمی ئێران و هێرشەکانی بۆ سەر وڵاتانی ناوچەکە. https://www.dengiamerika.com/a/8122398.html https://www.dengiamerika.com/a/8122398.html Sat, 07 Mar 2026 23:07:21 +0300 ئەمەریکاڤیدیۆ سەرۆکی تورکیا ڕەجەب تەیب ئەردۆغان ڕۆژی شەممە پەیوەندییەکی تەلەفۆنی لەگەڵ نێچیرڤان بارزانی، سەرۆکی هەرێمی کوردستان ئەنجام داوە و تیایدا باسیان لە دواین پێشهاتەکانی ناوچەکە کردووە. ئاژانسی فەرمی ئەنادۆڵۆی تورکیا دەڵێت لە پەیوەندییەکەدا ئەردۆغان ڕایگەیاندووە، "تورکیا بەردەوام دەبێت لە هەوڵەکانی دژی ئەو کارانەی کە دەتوانن ناوچەکە بەرەو کارەساتی درێژخایەن ببەن، هەروەها بە وردی چاودێری جموجۆڵەکانی ئەم دواییەی ڕێکخراوە تیرۆریستییەکان و گروپە سەر بە ئەوان دەکرێت." سەرۆکایەتی هەرێمی کوردستانیش لەسەر ئەو پەیوەندییە تەلەفۆنییەی نێوان بارزانی و ئەردۆغان دەڵێت "هەردوولا هاوڕا بوون کە پەرەسەندنی گرژییەکان هەڕەشەیەکی ڕاستەقینە له‌سه‌ر ئێستا و داهاتووى سەقامگیری دروست ده‌كات، بۆیە جەختیان لە پێویستیی گرتنەبەری ڕێگەچارەی سیاسی کردەوە بۆ ڕێگری لە تەشەنەکردنی ململانێکان و پاراستنی گەلان لە ماڵوێرانییەکانی شەڕ." سەرۆکایەتی هەرێمی کوردستان دەشڵێت لە ئەردۆغان سوپاسی بارزانیشی کردووە "بۆ ڕۆڵی دیار و ئەرێنییان لە هاوکاری و پشتیوانیکردنی ئاشتی لە تورکیا. هه‌روه‌ها ئاماژەی بەوە دا کە ئەم هەڵوێستانە فاکتەرێکی بنەڕەتین بۆ چەسپاندنی تەبایی و پێکەوەژیانی گەلان و کەمکردنەوەی ئاڵۆزییەکان لە ناوچەکەدا." هەفتەی ڕابردوو ئەمەریکا و ئیسرائیل هەڵمەتێکی سەربازییان دژ بە ڕژێمی ئێران دەستپێکرد بە بەستی ڕێگری کردن لە ڕەفتارە تێکدەرەکانی ئێران لە ناوچەکە و لەناوبردنی هەوڵەکانی بۆ خواستی ناوکی و پەرەپێدانی بەرنامەی مووشەکی. https://www.dengiamerika.com/a/8122402.html https://www.dengiamerika.com/a/8122402.html Sat, 07 Mar 2026 22:49:37 +0300 تورکیاسه‌ره‌کیهه‌رێمه‌ کوردیـیه‌کان مەسرور بارزانی، سەرۆک وەزیرانی هەرێمی کوردستان ڕۆژی شەممە ڕایگەیاند پەیەوەندییەکی تەلەفۆنی، لەگەڵ شێخ ئەحمەد عەبدوڵا ئەلسەباح، سەرۆک وەزیرانی کوەیت ئەنجام داوە. بارزانی لە ڕاگەیاندنەکەیدا دەڵێت لەو گفتوگۆیەدا "دۆخی گشتیی ناوچەکە و ئاڵۆزییەکان" تاوتوێ کراوە هەروەها نیگەرانی قوڵیشیان لەسەر"هێرش و گرژییەکان دەربڕی." سەرۆک وەزیرانی هەرێمی کوردستان دەشڵێت لە گفتوگۆکەدا"جەختمان لە پێویستیی بەهێزکردنی هاوئاهەنگیی بۆ هێورکردنەوەی دۆخەکە و پاراستنی ئاشتی و سەقامگیریی ناوچەکە کردەوە." ئەم گفتوگۆیە لە کاتێکدایە لەوەتای ئۆپەراسیۆنی ئەمەریکا و ئیسرائیل دژ بە ڕژێمی ئێران دەستی پێکردووە ئێران هێرشی مووشەک و فڕۆکە بێفڕۆکەوانەکانی بۆ سەر وڵاتانی ناوچەکە چڕکردووەتەوە، لە ناویاندا هەرێمی کوردستانیش. ڕۆژی 28 ی مانگی دوو ئۆپەراسیۆنەکانی ئەمەریکا و ئیسرائیل دژ بە ڕژێمی ئێران دەستیپێکرد بە مەبەستی ڕێگری کردن لە ڕەفتارە شەڕانگێزەکانی ئێران لە ناوچەکە و سنووردارکردنی تواناکانی بۆ دەستڕاگەیشتن بە ئەتۆمی و بەرنامەی مووشەکی. لە ئەنجامی ئەم ئۆپەراسیۆنە بەشێکی زۆر لە سەرکردە باڵاکانی ئێران کوژران بە ڕێبەری باڵای وڵاتەکە ئایەتوڵا عەلی خامنەییشەوە. سوپای ئەمەریکاش ڕایگەیاند، هێزی دەریایی ئێران لە ناو براوە. https://www.dengiamerika.com/a/8122393.html https://www.dengiamerika.com/a/8122393.html Sat, 07 Mar 2026 22:07:31 +0300 ئێرانسه‌ره‌کیهه‌رێمه‌ کوردیـیه‌کان وەزارەتی دەرەوەی ئەمەریکا ئەمڕۆ شەممە ڕایگەیاند، لە هەفتەی ڕابردووەوە دەیان گەشتی تایبەتی ئەنجامداوە و هەزاران هاووڵاتی ئەمەریکایی لە ڕۆژهەڵاتی ناوەڕاست گوازراونەتەوە. دیلان جۆنسن، جێگری وەزیری دەرەوەی ئەمەریکا لە بەیاننامەیەکدا ڕایگەیاند " لە 28ی مانگی دووەوە زیاتر لە 28 هەزار هاووڵاتی ئەمەریکایی لە ڕۆژهەڵاتی ناوەڕاستەوە بە سەلامەتی گەڕاونەتەوە ئەمەریکا. لە کاتێکدا شەڕی ئەمەریکا و ئیسرائیل دژ بە ڕژێمی ئێران دەچێتە هەفتەی دووهەمی خۆیەوە، دۆخی ژمارەیەک وڵاتانی ناوچەکە بە هۆی هێرشەکانی ڕژێمی ئێرانەوە تا دێت ئاڵۆزتر دەبێت. وەزارەتی دەرەوەی ئەمەریکا ئاماژەی بەوەشکردووە، بە پێی بارودۆخی ئاسایشی ناوچەکە هەوڵدەدات گەشتە تایبەتەکان و ئۆپەراسیۆنەکانی گواستنەوەی زەمینی لە ناوچەکەدا زیاد باکات. سەرۆک دۆناڵد ترامپ ڕۆژی هەینی ستایشی هەوڵەکانی وەزارەتی دەرەوەی ئەمەریکای کرد بۆ دەرکردنی ئەمەریکاییاکن لە ڕۆژهەڵاتی ناوەڕاستدا. هەروەها ڕایگەیاندووە کە چالاکانە کاردەکەن بۆ هاوکاریکردنی هەر هاووڵاتییەکی ئەمەریکایی کە ئارەزووی جێهێشتنی ڕۆژهەڵاتی ناوەڕاستی هەبێت. ئەمەریکاییەکان لە ڕۆژهەڵاتی ناوەڕاست کە پێویستیان بە هاوکارییە دەتوانن پەیوەندی بە وەزارەتی دەرەوە بکەن بەم ژمارەیە (+1-202501-4444). https://www.dengiamerika.com/a/8122384.html https://www.dengiamerika.com/a/8122384.html Sat, 07 Mar 2026 20:38:49 +0300 ئه‌مه‌ریکاسه‌ره‌کیڕۆژهه‌ڵاتی ناوه‌ڕاست دۆناڵد ترامپ سەرۆکی ویلایەتە یەکگرتووەکانی ئەمەریکا ڕۆژی شەممە لوتکەی "قەڵغانی ئەمەریکا"ی لە ویلایەتی فلۆریدا بە لیدوانێک سەبارەت بە ئێران دەستپێکرد. سەرۆک ترامپ لە دەستپێکی لێدوانەکەیدا تیشکی خستە سەر هێزی سەربازی ئەمەریکا و کردەوەکانی ئەم دواییەی دژی تواناکانی ئێران. لەو کۆنفرانسەی کە سەرکردەکانی وڵاتانی سەرانسەری ئەمەریکایی کیشەوەری ئەمەریکا ئامادە بوون سەرۆک ترامپ گوتی "پێشکەوتنێکی گەورە بەدیهاتووە، کە پێدەچێت ئێوەش بینیوتانە... توانا سەربازییەکانم لە خولی یەکەمدا دروستکرد و بونیادنایەوە و بەڕاستی بەهێزم کرد لەگەڵ زۆر شتی تردا." سەرۆک کۆمار ئاماژەی بەوەشدا ئێستا ئەو بۆ ڕووبەڕووبوونەوەی هەڕەشەکانی ئێران لەو هێزە سەربازییە کەڵک وەردەگیرێت " هیچ هێزی سەربازی وەک ئەمە لەسەر زەوی بوونی نییە و ئێمە لە ئێراندا زۆر باشین. ئەنجامەکەشی دەبینن." سەرۆک ترامپ ڕایشیگەیاند کردەوەکانی ئەم دواییە ژێرخانی سەربازی و پەیوەندییەکانی ئێرانیان بە شێوەیەکی بەرچاو لاواز کردووە " هێزی ئاسمانی ئەوانمان لەوناوبردووە، پەیوەندییەکانیانمان لەکارخستووە و هەموو پەیوەندییەکان نەماون. نازانم چۆن پەیوەندی دەکەن بەڵام پێموایە شتێک دەدۆزنەوە. زۆر باش نییە بۆیان ئەوان کەسانێکی خراپن." لوتکەی "قەڵغانی ئەمەریکا" سەرکردەکانی چەندین وڵاتی ناوچەکەی کۆکردەوە، لەوانە ئەرجەنتین، بۆلیڤیا، شیلی، کۆستاریکا، کۆماری دۆمینیکان، ئیکوادۆر، ئەلسەلڤادۆر، هندۆراس، پەنەما، پاراگوای و ترینیداد و تۆباگۆ. لە گردبوونەوەکەدا تیشک خرایە سەر هاوکاریی ناوچەیی و پرسی ئاسایشی. https://www.dengiamerika.com/a/8122373.html https://www.dengiamerika.com/a/8122373.html Sat, 07 Mar 2026 19:19:49 +0300 ئێرانسه‌ره‌کیئه‌مه‌ریکا لە چوارچێوەی هێرشە مووشەکی و درۆنییەکانی ئێران بۆسەر پارێزگای هەڵەبجە هەردوو بورجی پەیوەندی کردنی کۆمپانیاکانی کۆڕەک و ئاسیاسێڵ لە لوتکەی بەفری میری هەڵەبجە لەلایەن ئێرانەوە کرانە ئامانج. https://www.dengiamerika.com/a/8122367.html https://www.dengiamerika.com/a/8122367.html Sat, 07 Mar 2026 19:11:11 +0300 هەرێمە کوردیـیەکانڤیدیۆئێران هەواڵە جیهانیـیەکان لە دەنگی ئەمەریکا https://www.dengiamerika.com/a/8116096.html https://www.dengiamerika.com/a/8116096.html Sat, 07 Mar 2026 18:00:00 +0300 هەواڵە جیهانییەکان1 هە‌تا ئێستا 46 هێرشی فڕۆکەی بێفڕۆکەوان و مووشه‌ک لە لایەن ڕژێمی ئێرانەوە ئاڕاستەی كه‌‌مپه‌كانی حزبه‌كانی ڕۆژهه‌ڵاتی كوردستان كراوە لەناو خاکی هەرێمی کوردستان. https://www.dengiamerika.com/a/8122342.html https://www.dengiamerika.com/a/8122342.html Sat, 07 Mar 2026 17:21:02 +0300 هەرێمە کوردیـیەکانڤیدیۆئێران فەرماندەیی ناوەندیی ئەمەریکا (CENTCOM) ڕایگەیاند، نوێنەرانی وڵاتانی ئەمەریکا، بەریتانیا و بەحرەین کۆبوونەوەیەکی ئۆنلاینیان ئەنجامدا بۆ تاوتوێکردنی دوایین پێشهاتەکانی ڕۆژهەڵاتی ناوەڕاست. سێنتکۆم لە ڕاگەیاندنەکەیدا ئاماژەی بەوە کردووە لە کۆبوونەوەکەی 5ی مانگی سێدا، براد کوپەر فەرماندەی سێنتکۆم ، مارشال ڕیچارد نایتن سەرکردەی هێزی ئاسمانی بەریتانیا و شێخ ناسر بن حەمەد ئەلخەلیفە ڕاوێژکاری ئاسایشی نیشتمانی بەحرەین ئامادەبوون. سێنتکۆم ڕایگەیاند " سەرکردەکان باسیان لە ژینگەی ئاسایشی ناوچەکە و هێرشە بەمەبەستەکان و دەستدرێژییە ئامانجدارەکانی ڕژێمی ئێران کرد بەرامبەر بە خەڵکی مەدەنی بێتاوان لە سەرانسەری ڕۆژهەڵاتی ناوەڕاست." بە پێی بەیاننامەکەی سێنتکۆم، نوێنەرانی هەرسێ وڵات جەختیان لە گرنگی هاوکاری بۆ دەستەبەرکردنی ئاشتی و سەقامگیری کردەوە. کوپەر فەرماندەی سێنتکۆم ڕۆژی پێنجشەممە ڕایگەیاند کە ڕژێمی ئێران گەڕەکە مەدەنییەکانی بەحرەینی کردووەتە ئامانج لە کاتێکدا کە هێرشەکانی بۆ سەر 12 وڵاتی ناوچەکە دەستپێکردووە. https://www.dengiamerika.com/a/8122343.html https://www.dengiamerika.com/a/8122343.html Sat, 07 Mar 2026 17:17:58 +0300 ئه‌مه‌ریکاسه‌ره‌کیڕۆژهه‌ڵاتی ناوه‌ڕاست هەواڵە جیهانیـیەکان لە دەنگی ئەمەریکا https://www.dengiamerika.com/a/8116085.html https://www.dengiamerika.com/a/8116085.html Sat, 07 Mar 2026 17:00:00 +0300 بەرنامەکانی ڕۆژانەی ڕادیۆ لە کاتێکدا مەسعود پزیشکیان، سەرۆک کۆماری ئێران دەڵێت، ئەنجومەنی باڵای رژێمی ئێران بڕیاری ڕاگرتنی هێرشەکانی بۆ سەر وڵاتانی دراوسێی داوە، ڕۆژی شەممە هێرشی مووشەکی و فڕۆکەی بێفڕۆکەوان میرنشینە یەکگرتووەکانی عەرەب (ئیمارات)، عەرەبستانی سعودیە، بەحرەین و قەتەر ئەنجام دراوە. ئیمارات: فڕۆکەخانەی نێودەوڵەتی دوبەی کە یەکێکە لە قەرەباڵغترین فڕۆکەخانەکانی جیهان، ڕۆژی شەممە چەند جارێک کرایە ئامانجی فڕۆکەی بێفڕۆکەوان. کەناڵی سی ئێن ئێن بڵاویکردووەتەوە، لەئەنجامی ئەو هێرشانەدا گەشتە ئاسمانییەکان لە فڕۆکەخانەکە ڕاگیراون. بەڵام دواتر ئۆپەراسیۆنە ئاساییەکانی فڕۆکەخانەکە دەستیانپێکردووەتەوە. قەتەر: وەزارەتی بەرگری قەتەر ڕایگەیاند، هێرشێکی مووشەکی بالیستیک ڕاگیراوە. هێزە چەکدارەکانی ڕژێمی ئێران پشتڕاستیان کردەوە کە مووشەک و فڕۆکەی بێفڕۆکەوان ئاراستەی بنکە سەربازییەکانی ئەمەریکا لە بەحرەین و قەتەر کراوە. بەحرەین: هەرچەندە ڕۆژی شەممە لە بەحرەین دەنگی ئامبولانس و سیستەمی فریاکەوتن بیستراوە، بەڵام سی ئێن ئێن دەڵێت هیچ هەواڵێک لەبارەی هێرشی مووشەکییەوە نەبووە. سوپای بەحرەین ڕۆژی شەممە ڕایگەیاند، لە سەرەتای دەستپێکردنی هێرشەکانی ڕژێمی ئێران بۆ سەر ئەو وڵاتە، 86 مووشەک و 148 فڕۆکەی بێفڕۆکەوان خراونەتە خوارەوە و لەناوبراون. سعودیە: وەزارەتی بەرگری سعودیە ڕایگەیاند، لە کاتژمێرەکانی سەرەتای ڕۆژی شەممە 16 فڕۆکەی بێفڕۆکەوان کە بەرەو یەکێک لە گەورەترین کێڵگە نەوتییەکانی ڕۆژهەڵاتی ناوەڕاست دەڕۆیشتن خراونەتە خوارەوە. وەزارەتەکە سەرچاوەی هێرشەکەی بۆ سەر کێڵگەی نەوتی شێبا دیاری نەکردووە. https://www.dengiamerika.com/a/8122338.html https://www.dengiamerika.com/a/8122338.html Sat, 07 Mar 2026 16:55:54 +0300 ڕۆژهه‌ڵاتی ناوه‌ڕاستسه‌ره‌کیئێران