Accessibility links

زمناکۆ ئیسماعیل : سەرۆکی پەرلەمان فەرموو پێشی خەڵک بکەوە لەخۆپیشاندانەکاندا و ئێمە پشتیوانتین


سەرباری سەختی بژێوی ژیانی خەڵک و قەیرانی ئابوری و سیاسی و حیزبی و قەیرانی بێ موچەیی و بێ کارەبایی و گرفتەکانی بواری پەروەردەو سەرجەم کەرتە شارستانی و ژیارییەکانی هەرێمی کوردستان. بەڵام وەڵامنەدانەوەو چارەسەنەکردنی قەیرانەکان و کەڵەکەبوونی سەرجەم گرفتە هەنوکەیی و درێژخایەنەکانی ژیانی خەڵک بارودۆخەکەی سەختر کردووە. ئەوڕۆکە باس لەگەڕێکی دیکەی خۆپیشاندان و کۆکردنەوەی ناڕەزاییەکان هەیە لەهەرێمی کوردستان، هاوکات دەسەڵاتدارانیش پێیانوایە بانگەشکردن بۆ خۆپیشاندان؛ بانگەشەیە بۆ کودەتا..ئایا خۆپیشاندانەکان رابەرایەتی دەکرێن یان نا؟ چارەنوسی دۆسییەکانی گەندەڵی چی بەسەر هاتووە و چی دەتوانرێت بکرێت.

سەبارەت بەو پرسانە ئاسۆ جەبار بۆ دەنگی ئەمریکا وتووێژێکی سازکردووە لەگەڵ رۆژنامەوان زمناکۆ ئیسماعیل دا...

زمناکۆ دەڵێت "من بە سەرۆکی پەرلەمان دەڵێم فەرموو پێشی خەڵک بکەوە لەخۆپیشاندانەکاندا و ئێمە پشتیوانیت دەکەیەن."

دەشڵێت "خۆپیشاندان بە بێ رابەڕایەتی و بەبێ پڕۆژەو بەبێ مانیفێست و ئارگۆمێنت نابێتە خۆپیشاندان."

سەبارەت بە لێدوانەکەی پەرلەمانتار لەسەر لیستی پارتی دیموکرات ئاری هەرسین؛ زمناکۆ ئیسماعیل دەڵێت "خۆزگە خۆپیشاندان نەبوایە کودەتا بوایە، خەڵک رزگاری بوایە لەگوێ نەگرتن لە دەسەڵاتدارانی هەرێم."

XS
SM
MD
LG