Accessibility links

له‌ ئه‌نجامی شه‌ڕی لایه‌نه‌کان له‌ یه‌مه‌ن ده‌یان که‌س کوژراون


سه‌رهه‌ڵدوان حوسی له‌ یه‌مه‌ن

له‌وه‌تا ده‌ستپێکردنی شه‌ڕ له‌ یه‌مه‌ن، لەمانگی 3 ی 2015 ەوە پتر لە 10 هەزار مه‌ده‌نی کوژراون،

کاربەدەستانی یەمەن دەڵێن شەڕێکی قورس لەنێوان هێزەکانی سەر بە حکومەت و سەرهەڵداوە شیعەکاندا روویداوەو دەرئەنجام بە لای کەمەوە 28 کەس کوژراون.

هێزەکانی حکومەت بە پشتیوانی فرۆکە جەنگییەکانی ئەو هاوپەیمانانه‌ی کە بە رابەرایەتی عەرەبستانی سعودییەیە لەم چەند هەفتەی پێشوودا بە درێژایی ناوچەکانی که‌ناری رۆژئاوای وڵاتەکە پێشڕەویان کردووە بەرەو شەڕکردن دژی سەرهەڵداوەکان کە بە حوسییەکان ناودێردەکرێن.

کاربەدەستان دەشڵێن سەرهەڵداوەکان 18 چەکداریان لەهێزەکانی سەر بە حکومەت کوشتوون و 30 چەکداریش بریندار بوون. له‌ ئه‌نجامی ئه‌و هێرشه‌ بۆ سەر ئەلفەزا، بەلای که‌م 10 سەرهەڵداویش لەهێرشەکەی رۆژی هەینیدا کوژراون.

هەر لە سەروەختی بەرپابوونی شەڕ لەنێوان ئەو سەرهەڵداوانەی کە ئێران پشتیوانیان لێدەکات و هه‌روه‌ها هێزەکانی حکومەت کە هاوپه‌یمانه‌تی بە رێبەرایەتی عەرەبستانی سعودی پشتیوانی ده‌کات واتە لەمانگی 3 ی 2015 ەوە پتر لە 10 هەزار کەس کوژراون، هاوکات حوسییەکان زوربەی هەرە زۆری ناوچە باکورییەکانی یەمەنیان کۆنترۆڵکردووە کە پایتەختی وڵاتەکەش سەنعاشیان کۆنترۆڵکردووە.

XS
SM
MD
LG