سەردانەکەی وەزیری دەرەوەی ئەمەریکا رێکس تیلەرسن بۆ مۆسکۆ لەم هەفتەیەدا تاقیکردنەوەیەکی زوو دەبێت بۆ توانای بەڕێوبەرایەتییەکەی سەرۆک ترامپ بۆ قۆستنەوەی ئەو تەوژمەی بەهۆی هێرشەکەی سەر سوریا دروست بوو وە هەروەها جێبەجێکردنی ستراتیژییەکەی بۆ کۆتایی هێنان بە جەنگ لە سوریادا
وە تەنانەت پێش فەرمانەکەی هەفتەی پێشووی سەرۆک ترامپ بۆ هێرشکردنە سەر بنکە سەربازییەکەی سوریا وەکو وەڵامێک بۆ بەکارهێنانی چەکی کیمیایی لەلایەن ئەسەدەوە، سەردانەکەی تیلەرسن بۆ مۆسکۆ بەدڵنیاییەوە بۆ ئەوە بوو کە باس لە کێشە هەستیارەکانی بکەن وەکو دەست تێوەردانی ڕوسیا لە هەڵبژاردنەکانی 2016 ی ئەمەریکادا، هەروەها گومانی ئەوەی کە ڕوسیا پێشێلی کردووە لە پەیماننامەی کۆنتڕۆڵکردنی چەکدا، هەروەها بۆ باس کردن لە هاوکاریکردنی نێوان هەردوولا ئەگەر " هاوکاری یەکتر بکەن" لە شەڕی دژ بە داعشدا.
ئێستا تیلەرسن ئەزموونێکی کەمی هەیە لە سیاسەتی دەرەوەدا و ڕووبەڕووی ئەرکێکی قورس بۆتەوە لە ڕووبەروونەوەی ئەمەریکا و روسیادا و داواکردن لە ڤلادیمێر پوتن بۆ پاک کردنەوەی کۆگاکانی چەکی کیمیایی سەرۆکی سوریا بەشار ئەسەد و فشار خستنە سەر ئەسەد بۆ گفتوگۆکردن سەبارەت بە داهاتووی سوریا.
لەلای خۆشیانەوە کریملین ڕایگەیاند لە سەردانەکەی ئەم هەفتەیەدا تیلەرسن چاوی بە سەرۆکی ڕوسیا ڤلادیمێر پوتن ناکەوێت کە ئەمەش ئاماژەیەکە بۆ زیادبوونی ئاڵۆزییەکان.
سەرچاوە / ڕۆیتەرز