Accessibility links

لە ئەنجامی تەقە کردنێکدا لە یەکێک لە بازاڕەکانی واڵ مارت لە کۆلۆرادۆ سێ کەس دەکوژرێن


پۆلیس وتی لە ئەنجامی تەقە کردنێک لە ناو یەکێک لە بازاڕەکانی واڵ مارت لە یەکێک لە گەڕەکەکانی شاری دێنڤەری ئەمەریکا سێ کەس کوژران و تا ئێستا هیچ کەسێکیان دەستگیر نەکردووە.

پۆلیسی ناوچەی ثۆرنتنی ویلایەتی کۆلۆرادۆ تا ئێستا هیچ زانیارییەکی سەبارەت بە ڕووداوەکە و تەقەکەرەکە بڵاونەکردۆتەوە.

دوو پیاو لە هێرشەکەدا کوژراون، پۆلیسی ثۆرنتن لە تویتەر ئاماژەشی بەوە داوە کە ئافرەتێک هەناسەی گیراوە پێش ئەوەی ببرێت بۆ نەخۆشخانە.

پۆلیس وتی " ئێستا لێکۆڵەرەوەکان ڕێوشوێنی ئەمنی دەگرنە بەر و قسەی شایەتحاڵەکان وەردەگرن بۆ گەیشتن بە گومانلێکراوەکە یاخوود گومانلێکراوەکان."

هەروەها وتیشی تا ئێستا هیچ کەسێکیان دەستگیر نەکردووە.

ئەفسەری پۆلیسی ثۆرنتن ڤیکتەر ئاڤیلا لە پەیوەندییەکی تەلەفونیدا لەگەڵ ڕۆیتەرز دوای ڕووداوەکە وتی " ژمارەیەک خەڵک پێوە بوون و هێشتا هەوڵدەدەین بارودۆخیان بزانین."

دوای کاتژمێرێک لە ڕاگەیاندنی هەواڵی تەقە کردنەکە، پۆلیسی ثۆرنتن لە تویتەر نوسیویەتی تەقە کردنەکە وەستاوە و بازاڕەکە چواردەور دراوە بە پۆلیس و تیمەکانی ئاگرکوژێنەرەوە.

دواتر دوای 20 خولە کوژرانی دوو کەس ڕاگەیەندرا.

جێی ئاماژەیە ثۆرنتن نزیکەی 120 هەزار دانیشتووی هەیە و دەکەوێتە 16 کیلۆمەتر باکووری ڕۆژهەڵاتی شاری دێنڤەرەوە.

سەرچاوە/ ڕۆیتەرز

XS
SM
MD
LG