سەرۆکی ئەمەریکا دانۆڵد ترامپ حکومەتەکەی بەشار ئەسەدی تاوانبارکرد بەوەی کە هێڵی سوریان بەزاندووە کاتێک کە گازی ژەهراویان ڕشتووە بەسەر خەڵکی مەدەنیدا و وتی هەڵوێستی بەرامبەر سوریا و ئەسەد گۆڕاوە بەڵام هیچ ئاماژەیەکی نەدا سەبارەت بەوەی چی دەکات.
سەرۆک ترامپ وتی ئەو هێرشەی کە نزیکەی 70کەسی کوشت و زۆربەیان منداڵ بوون " هێڵی سوری زۆری بەزاندووە"
سەرۆک ترامپ لەگەڵ مەلیک عەبدوڵای دووەمی ئەردەندا وتی " پێتان دەڵێم، ئەوەی دوێنێ ڕوویدا بۆ من جێی قبوڵ کردن نیە."
وتیشی " پێتان دەڵێم کە ئەوە ڕاستییەکە کە بووە هۆی ئەوەی هەڵوێستم بەرامبەر سوریا و ئەسەد زۆر بگۆڕێت." سەرەڕای ئەوەی لە کۆبوونەوەیەکدا لەوەوپێش کاتێک کە پرسیاری لێکرا سەبارەت بەوەی کە ئایا سیاسەتێکی نوێ بەکاردەهێنن بەرامبەر سوریا ، لەوەڵامدا وتی " دەیبینن".
سەرچاوە / ڕۆیتەرز