Accessibility links

باڵیۆزانی وڵاتانی ئەفریکا لە نەتەوە یەکگرتووەکان لەگەڵ نیکی هەیلی کۆدەبنەوە


باڵیۆزانی ئەفریکا لە نەتەوە یەکگرتووەکان لەگەڵ باڵیۆزی ئەمەریکا بۆ نەتەوە یەکگرتووەکان کۆبوونەوە بە مەبەستی وتووێژکردن لەسەر دوایین وتەکانی سەرۆک دانۆڵد ترامپ سەبارەت بە وڵاتانی ئەفریکا.

باڵیۆزی گینیا بۆ نەتەوە یەکگرتووەکان و سەرۆکی دەستەی 54 وڵاتی ئەفریکا وتی نیکی هەیلی " بەداخ بوونی" خۆی ڕاگەیاندووە بۆ ئەو لێدوانە. ئەمە لە کاتێکدایە کە حەفتەی ڕابردوو گرووپی وڵاتانی ئەفریقی لە ڕاگەیەندراوێکدا گوتبوویان قسەکانی ترامپ" قیزەون و نەژادپەرەستانەن."

هەندێک لەو دیپلوماتانە کە بەشدارییان کردبوو لە دانیشتنەکەی نەتەوە یەکگرتووەکان وتیان پـێشنیاریان بۆ خانم هەیلی کردووە سەرۆک ترامپ نامەیەک ئاڕاستەی لوتکەی ڕێبەرانی ئەفریکا بکات کە لە 28 و 29 ئەم مانگە لە ئەدیس ئەبابا بەڕێوەدەچێت.

بە پێی ڕاپـۆرتەکان لە دانیشتنەکەی حەفتەی ڕابردووی کۆشکی سپی لە نێوان ترامپ و هەندێک سیاسەتوان لە سەر کۆچبەران، ترامپ باسی لەوە کردووە کە دەبێت گۆڕانکاری بکرێت لە بەرنامەی کۆچبەران و لە جێگای وەرگرتنی کۆچبەر لە ئەفریکا و وڵاتانی وەک هایتی، سلڤادۆر دەبێت کۆچبەر لە وڵاتێکی وەک نەرویژ وەربگیرێن.

ترامپ و هەندێک لەو سیاسەتوانانە کە لە دانیشتنەکە بوون ڕەتیان کردەوە کە ترامپ لێدوانێکی وەهای دابێت.

هاوکات 78 باڵوێزی پێشوی ئەمەریکا بۆ وڵاتانی ئەفریقی لە نامەیەکدا بۆ کۆشکی سپی "خەمی قوڵی " خۆیان ڕاگەیاند سەبارەت بە لێدوانەکەی سەرۆک سەبارەت بە وڵاتانی ئەفریکا.

XS
SM
MD
LG