Accessibility links

نوێنەری ئەمەریکا لە نەتەوە یەکگرتووەکان سەردانەکەی بۆ تایوان هەڵدەوەشێنێتەوە


نوێنەری ئەمەریکا لە نەتەوە یەکگرتووەکان کێڵی کرافت

وەزارەتی دەرەوەی ئەمەریکا ڕایگەیاند نوێنەری وڵاتەکە لە نەتەوە یەکگرتووەکان کێڵی کرافت سەردانەکەی بۆ تایوان هەڵوەشاندۆتەوە کە وابڕیاربوو لە ڕۆژی چوارشەممەوە تاوەکو ڕۆژی هەینی سەردانی ئەو وڵاتە بکات، ئەوەش بەهۆی جێبەجێکردنی بڕیاری وەزارەتەکەوە بۆ قەدەغەکردنی گەشت بۆ دەرەوەی وڵات.

وەزیری دەرەوەی ئەمەریکا مایک پەمپێیۆ لە ماوەی ڕابردوودا دوایین سەردانی خۆی بۆ دەرەوەی وڵات هەڵوەشاندەوە، ئەوەش بەمەبەستی ئەوەی گواستنەوەی دەسەڵات بۆ بەڕێوەبەرایەتیەکەی سەرۆکی هەڵبژێردراوی ئەمەریکا جۆو بایدن بەبێ هیچ کۆسپێک بەڕێوەبچێت.

بەپێی بەرپرسێکی ئەمەریکا، بڕیاری قەدەغەکردنی گەشت سەرجەم کارمەندانی وەزارەتی دەرەوەی ئەمەریکا دەگرێتەوە، لەوانەش نوێنەری وڵاتەکە بۆ نەتەوە یەکگرتووەکان کێڵی کرافت کە بەنیازبوو بەرەو تایوان بەڕێبکەوێت و چینیش لەو کاتەدا بەڵێنیدا ئەگەر ئەو سەردانە ئەنجام بدرێت ئەوا ئەمەریکا " باجێکی گەورە " دەدات.

سەرچاوە/ فرانس پرێس

XS
SM
MD
LG